1. • Home » Andhra Pradesh » Kurnool » Srisaila Jagadguru who visited Swami and Ammavar was the presiding officer

స్వామి, అమ్మవార్లను దర్శించుకున్న శ్రీశైల జగద్గురు పీఠాధిపతి

ఉగాది పర్వదినాన్ని పురస్కరించుకుని బుధవారం శ్రీశైల శ్రీ భ్రమరాంబా మల్లికార్జున స్వామిఅమ్మవార్లను శ్రీశైల జగద్గురు పీఠాధిపతి శ్రీశ్రీశ్రీ 1008 డా.చెన్న సిద్ధరామ పండితారాధ్యా శివాచార్య మహాస్వామీజీ దర్శించుకున్నారు.

శ్రీశైలం, మార్చి 22: ఉగాది పర్వదినాన్ని పురస్కరించుకుని బుధవారం శ్రీశైల శ్రీ భ్రమరాంబా మల్లికార్జున స్వామిఅమ్మవార్లను శ్రీశైల జగద్గురు పీఠాధిపతి శ్రీశ్రీశ్రీ 1008 డా.చెన్న సిద్ధరామ పండితారాధ్యా శివాచార్య మహాస్వామీజీ దర్శించుకున్నారు. శ్రీశైల మల్లన్న దర్శనార్థం ఆలయ రాజగోపురం వద్దకు విచ్చేసిన మహా స్వామీజీకి ఈవో ఎస్‌.లవన్న అలయ అర్చకులు పూర్ణకుంభంతో స్వాగతం పలికారు. అనంతరం స్వామీజీ స్వామి, అమ్మవార్లకు ప్రత్యేక పూజలు చేశారు. అంతకుముందు పీఠాధిపతికి శ్రీశైల జగద్గురు పీఠం భక్తులు, శిష్య బృందం స్వామీజీని అడ్డపల్లకీలో ఉత్సవంగా క్షేత్ర పరిధిలోని బయలు వీరభద్రస్వామి దేవాలయం నుంచి స్వామివారి ప్రధాన ఆలయ రాజగోపురం వరకు ఉత్సవం నిర్వహించారు.