పార్కింగ్‌ స్థలంగా ఎంపీడీవో కార్యాలయ ప్రాంగణం
ABN, First Publish Date - 2023-03-24T23:40:48+05:30
స్థానిక ఆర్టీసీ కాంప్లెక్స్‌కు ఎదురుగా ఉన్న ఎంపీడీవో కార్యాలయ ప్రాంగణం ప్రైవేట్‌ వాహనాలకు అడ్డాగా మారింది. ఈ ప్రాంగణంలో ప్రతీ రోజూ ప్రైవేట్‌ వాహనాలను పెద్దసంఖ్యలో పార్కింగ్‌ చేస్తున్నారు. ద్విచక్ర వాహనాలు, ఆటోలు, కార్లు ఇలా అనేక వాహనాల పార్కింగ్‌కి ఈ ప్రాంగణాన్ని వాటి యజమానులు వినియోగించుకుంటున్నారు.
బొబ్బిలి: స్థానిక ఆర్టీసీ కాంప్లెక్స్‌కు ఎదురుగా ఉన్న ఎంపీడీవో కార్యాలయ ప్రాంగణం ప్రైవేట్‌ వాహనాలకు అడ్డాగా మారింది. ఈ ప్రాంగణంలో ప్రతీ రోజూ ప్రైవేట్‌ వాహనాలను పెద్దసంఖ్యలో పార్కింగ్‌ చేస్తున్నారు. ద్విచక్ర వాహనాలు, ఆటోలు, కార్లు ఇలా అనేక వాహనాల పార్కింగ్‌కి ఈ ప్రాంగణాన్ని వాటి యజమానులు వినియోగించుకుంటున్నారు. ఇక్కడ తమ వాహనాలను పార్కింగ్‌ చేసి ఇతర పనులకు వెళ్లిపోతున్నారు. పంచారుతీరాజ్‌ డివిజనల్‌ ఇంజనీరింగ్‌ కార్యాలయం, పీఆర్‌, ఆర్‌డబ్ల్యూఎస్‌ సబ్‌డివిజన్‌ కార్యాలయాలు, వ్యవసాయశాఖ, విద్య, హౌసింగ్‌, వెలుగు, ఉపాధి హామీ కార్యాలయాలన్నీ ఈ ప్రాంగణంలోనే ఉన్నాయి. కార్యాలయాల పనుల మీద వచ్చిన వారు అసౌకర్యానికి గురవుతున్నారు. ఈ విషయం తెలుసుకున్న అధికారులు వెంటనే స్పందించి శుక్రవారం వాటన్నిటినీ అక్కడ నుంచి తొలగించారు.
Updated Date - 2023-03-24T23:40:48+05:30 IST