అసాంఘిక శక్తులపై ఉక్కుపాదం మోపాలి
ABN, First Publish Date - 2023-11-11T00:18:56+05:30
అసాంఘిక శక్తులపై ఉక్కుపాదం మోపి ప్రజలకు శాంతిభద్రలు అందిం చాలని ఎస్పీ డాక్టర్‌ కే తిరుమలేశ్వరరెడ్డి పోలీసు అధికారులకు సూచించారు.
నెల్లూరు (క్రైం), నవంబరు 10 : అసాంఘిక శక్తులపై ఉక్కుపాదం మోపి ప్రజలకు శాంతిభద్రలు అందిం చాలని ఎస్పీ డాక్టర్‌ కే తిరుమలేశ్వరరెడ్డి పోలీసు అధికారులకు సూచించారు. నెల్లూరులోని ఉమేష్‌చంద్ర సమావేశ మందిరంలో శుక్రవారం నెలవారీ నేర సమీక్ష సమావేశం నిర్వహించారు. సర్కిల్‌ వారీగా గ్రైవ్‌, నాన్‌గ్రేవ్‌, ఆస్తి సంబంధిత నేరాలు, ఫోక్సో, రేప్‌, ఎస్సీ, ఎస్టీ కేసులపై ఎస్పీ సమీక్ష జరిపారు. చట్టవ్యతిరేక కార్యకలాపాలను కట్టడి చేయాలన్నారు. పోలీసు సేవలను ప్రజలకు మరింత చేరువ చేయడంతోపాటు నేర నియంత్రణలో వారిని భాగస్వాములను చేయాలన్నారు. రోడ్డు ప్రమాదాలను తగ్గించేందుకు బ్లాక్‌స్పాట్లలో హెచ్చరిక బోర్డులను ఏర్పాటు చేయాలని, ప్రమాదాల నివారణ చర్యలపై ప్రజలకు అవగాహన కల్పించాలని ఆదేశించారు. దీపావళి సందర్భంగా అనధికార బాణసంచా విక్రయాలు, అక్రమ నిల్వలపై దాడులు చేసి కేసులు నమోదు చేయాలన్నారు. పోలీసు సంక్షేమ చర్యల్లో భాగంగా ఈ నెల 15న ఓరల్‌ ఎంక్వైరీ మేళా నిర్వహిస్తున్నామని, సిబ్బంది అందరూ వినియోగించుకోవాలని ఎస్పీ సూచించారు. అనంతరం ప్రతిభ కనపరి చిన పలువురు అధికారులు, సిబ్బందిని ఆయన అభినందించి, ప్రశంసా పత్రాలు అందజేశారు. ఈ సమావేశం లో ఏఎస్పీలు డీ హిమవతి, ప్రసాద్‌, శ్రీనివాసరావు, లీగల్‌ అడ్వైజర్‌ శ్రీనివాసులు రెడ్డి, డీఎస్పీలు, సీఐలు పాల్గొన్నారు.
Updated Date - 2023-11-11T00:18:58+05:30 IST