పండు‘గొప్పలు’
ABN, First Publish Date - 2023-03-10T02:54:01+05:30
ఓ నాలుగు కిలోల పండుగప్ప దొరకడమే గొప్ప. అటువంటిది ఏకంగా 17 కిలోల పండుగప్ప దొరికితే. ఒకటీ రెండూ కాదు.. రెండు టన్నుల (2 వేల కిలోలు) పండుగప్పలు ఒక్కచోటే దొరికితే మత్స్యకారులకు పండగే కదా!
ఓ నాలుగు కిలోల పండుగప్ప దొరకడమే గొప్ప. అటువంటిది ఏకంగా 17 కిలోల పండుగప్ప దొరికితే. ఒకటీ రెండూ కాదు.. రెండు టన్నుల (2 వేల కిలోలు) పండుగప్పలు ఒక్కచోటే దొరికితే మత్స్యకారులకు పండగే కదా! ఏలూరు జిల్లా కలిదిండి మండలం కొండంగి ఎత్తిపోతల వద్ద సీబీ కెనాల్‌లో మత్స్యకారులు గురువారం ఇలాగే పండగ చేసుకున్నారు. ఉదయం 10 గంటల నుంచి సాయంత్రం వరకు పలు గ్రామాల మత్స్యకారులు వలలతో వేటాడితే... ఒక్కొక్కరికి 30 నుంచి 50 కేజీల పండుగప్పలు లభించాయి. వీటిని పశ్చిమ గోదావరి జిల్లా ఆకివీడు హోల్‌సేల్‌ మార్కెట్‌కు తరలిస్తే.. కిలో రూ.550 చొప్పున వ్యాపారులు కొన్నారు. మత్స్యకారులకు సుమారు రూ.10 లక్షలపైగా విలువైన పండుగప్పలు లభ్యమయ్యాయి.
- కలిదిండి/ఆకివీడు
Updated Date - 2023-03-10T02:54:01+05:30 IST