కార్మిక నేత సత్తిబాబుకు కన్నీటి వీడ్కోలు
ABN, First Publish Date - 2023-05-22T01:00:10+05:30
సీఐటీయూ జిల్లా ఉపాధ్యక్షుడు డి. సత్తిబాబుకు వామపక్ష నేతలు, కార్మికులు కన్నీటి వీడ్కోలు పలికారు.
నర్సీపట్నం, మే 21 : సీఐటీయూ జిల్లా ఉపాధ్యక్షుడు డి. సత్తిబాబుకు వామపక్ష నేతలు, కార్మికులు కన్నీటి వీడ్కోలు పలికారు. శనివారం ఉదయం ఆయన గుండెపోటుతో మరణించిన విషయం తెలిసిందే. ఆదివారం పాత సంతబయలు నుంచి బయలుదేరిన అంతిమయాత్రలో సీపీఎం జిల్లా కార్యదర్శి లోకనాథం, సీపీఐ జిల్లా కార్యదర్శి బాలేపల్లి వెంకటరమణ, సీఐటీయూ జిల్లా ప్రధాన కార్యదర్శి కోటేశ్వరరావు, కార్యదర్శి రాజు, ఐద్వా రాష్ట్ర అధ్యక్షురాలు ప్రభావతి, రైతు సంఘం నాయకులు బాలకృష్ణ, అల్లూరి జిల్లా సీపీఎం కార్యదర్శి పి. అప్పలనర్స, గిరిజన సంఘం నాయకులు గోవిందరావు, డీసీసీబీ చైర్‌పర్సన్‌ చింతకాయల అనిత, సన్యాసిపాత్రుడు, కాంగ్రెస్‌ నాయకులు మీసాల సుబ్బన్న పాల్గొన్నారు. కార్మిక నాయకుడు కడసారి చూపు కోసం వివిధ ట్రేడ్‌ యూనియన్‌ల నాయకులు, కార్యకర్తలు, అభిమానులు, ప్రజలు భారీగా తరలి వచ్చారు.
Updated Date - 2023-05-22T01:00:10+05:30 IST