మీ భక్తి బంగారం గాను!
ABN, First Publish Date - 2023-06-03T04:49:42+05:30
మధ్యప్రదేశ్‌ రాష్ట్రంలోని రాట్లంకు చెందిన సుభాష్‌ చంద్ర సోనీ కుటుంబ సభ్యులకు శ్రీవేంకటేశ్వరస్వామి ఇంటి దైవం. తమ పూర్వీకుల నుంచి శ్రీవారు, అమ్మవార్ల ప్రతిమలతో
ఆంధ్రజ్యోతి, తిరుమల : మధ్యప్రదేశ్‌ రాష్ట్రంలోని రాట్లంకు చెందిన సుభాష్‌ చంద్ర సోనీ కుటుంబ సభ్యులకు శ్రీవేంకటేశ్వరస్వామి ఇంటి దైవం. తమ పూర్వీకుల నుంచి శ్రీవారు, అమ్మవార్ల ప్రతిమలతో తయారు చేయించిన బంగారు చైన్లు ధరించి తిరుమల శ్రీవారిని దర్శించుకోవడం ఆనవాయితీగా వస్తోంది. శుక్రవారం ఈ కుటుంబం భారీ పరిమాణం కలిగిన బంగారు చైన్లు ధరించి శ్రీవారిని దర్శించుకుంది. ఆలయం వెలుపలకు వచ్చిన సుభాష్‌ చంద్రసోనీ దంపతులను, ఆయన సోదరుడి దంపతులను పలువురు భక్తులు ఆసక్తిగా చూశారు. కొందరు భక్తులు దగ్గరకు వెళ్లి మరీ చైన్లు, లాకెట్లను పరీక్షగా చూశారు.
Updated Date - 2023-06-03T04:49:42+05:30 IST