TDP: చిరంజీవి పార్టీ తర్వాత కొంత గ్యాప్ వచ్చింది: టీడీపీ సీనియర్ నేత
ABN, First Publish Date - 2023-04-01T14:54:26+05:30
ప్రారంభం నుంచి కాపులు, బీసీ(BC)లు టీడీపీ (TDP) పార్టీకి అండగా ఉన్నారని, చిరంజీవి (Chiranjeevi) పార్టీ ఏర్పాటు చేసిన తర్వాత కొంత గ్యాప్ వచ్చిందని టీడీపీ సీనియర్ నేత నిమ్మకాయల చినరాజప్ప (Nimmakayala Chinarajappa) అన్నారు.
అమరావతి: ప్రారంభం నుంచి కాపులు, బీసీ(BC)లు టీడీపీ (TDP) పార్టీకి అండగా ఉన్నారని, చిరంజీవి (Chiranjeevi) పార్టీ ఏర్పాటు చేసిన తర్వాత కొంత గ్యాప్ వచ్చిందని టీడీపీ సీనియర్ నేత నిమ్మకాయల చినరాజప్ప (Nimmakayala Chinarajappa) అన్నారు. చంద్రబాబు (Chandrababu) ఆనాడు పాదయాత్ర చేస్తూ కాపులకు రిజర్వేషన్ హామీ ఇచ్చారని గుర్తుచేశారు. టీడీపీ పాలన కాపులకు స్వర్ణ యుగమని, టీడీపీ పార్టీకి సపోర్ట్ చేసేందుకు కాపులు సిద్దంగా ఉన్నారని తెలిపారు. కాపులకు రిజర్వేషన్ ఇచ్చిన ఘనత చంద్రబాబుకు దక్కుతోందన్నారు. తమకు రాజకీయ రిజర్వేషన్ అవసరం లేదని, ఇతర వర్గాలకు సంబంధించిన రిజర్వేషన్లలో తమకు వాట వద్దన్నారు. కాపు సంఘాలు చంద్రబాబుతో సమావేశం అయ్యి సమస్యలు చెపుతామన్నారు. జగన్ పాలన కాపులపై కక్ఞపూరితంగా ఉందన్నారు. టీడీపీతో కలసి పనిచేసేందుకు కాపు నాయకులు సిద్దంగా ఉన్నారని ఆయన తెలిపారు.
Updated Date - 2023-04-01T14:54:27+05:30 IST