బాస్కెట్‌బాల్‌ విజేతలు పశ్చిమ, తూర్పు జట్లు
ABN, First Publish Date - 2023-07-04T00:22:14+05:30
అంతర్‌ జిల్లాల 8వ జూనియర్‌ బాస్కెట్‌బాల్‌ ఛాంపియన్‌షిప్‌ విజేతలుగా పశ్చిమ, తూర్పుగోదావరి జట్లు నిలిచాయి.
నూజివీడు, జూలై 3: అంతర్‌ జిల్లాల 8వ జూనియర్‌ బాస్కెట్‌బాల్‌ ఛాంపియన్‌షిప్‌ విజేతలుగా పశ్చిమ, తూర్పుగోదావరి జట్లు నిలిచాయి. ఆదివారం రాత్రి తొలుత బాలికల విభాగంలో ఫైనల్స్‌ నిర్వహించగా పశ్చిమ గోదావరి, తూర్పు జట్లు తలపడగా పశ్చిమ గోదావరి జట్టు తూర్పుపై 48–35 స్కోరుతో విజేతగా నిలిచింది. బాలుర విభాగంలో తూర్పు గోదావరి, కృష్ణా జట్ల మధ్య పోటీ సాగగా, 80–54 స్కోరుతో తూర్పు గోదావరి విజయం సాధించింది. విజేతలకు ఎమ్మెల్యే ప్రతాప్‌ అప్పారావు బహుమతులు అందించారు. మున్సిపల్‌ వైస్‌ చైర్మన్‌ పగడాల సత్యనారాయణ, సీఐ మూర్తి, డీఏఆర్‌ కళాశాల మాజీ ప్రిన్సిపాల్‌ జీవీ రామారావు తదితరులు పాల్గొన్నారు.
Updated Date - 2023-07-04T00:22:14+05:30 IST