Andhra University: ఆంధ్ర యూనివర్సిటీలో లా కోర్సులో ప్రవేశాలు
ABN, First Publish Date - 2023-10-13T12:33:38+05:30
విశాఖపట్నంలోని ఆంధ్ర యూనివర్సిటీ డైరెక్టరేట్‌ ఆఫ్‌ అడ్మిషన్స్‌ (ఏయూడీఓఏ)-ఎల్‌ఎల్‌బీ సెల్ఫ్‌ సపోర్ట్‌ ప్రోగ్రామ్‌లలో ప్రవేశానికి నోటిఫికేషన్‌ విడుదల చేసింది. మూడేళ్లు, అయిదేళ్ల వ్యవధిగల లా ప్రోగ్రామ్‌లు అందుబాటులో ఉన్నాయి.
విశాఖపట్నంలోని ఆంధ్ర యూనివర్సిటీ డైరెక్టరేట్‌ ఆఫ్‌ అడ్మిషన్స్‌ (ఏయూడీఓఏ)-ఎల్‌ఎల్‌బీ సెల్ఫ్‌ సపోర్ట్‌ ప్రోగ్రామ్‌లలో ప్రవేశానికి నోటిఫికేషన్‌ విడుదల చేసింది. మూడేళ్లు, అయిదేళ్ల వ్యవధిగల లా ప్రోగ్రామ్‌లు అందుబాటులో ఉన్నాయి. వీటిని వర్సిటీ ఆధ్వర్యంలోని డా.బీఆర్‌.అంబేద్కర్‌ కాలేజ్‌ ఆఫ్‌ లా నిర్వహిస్తుంది. వీటికి ట్యూషన్‌ ఫీ రీయింబర్స్‌మెంట్‌ వర్తించదు. స్కాలర్‌షిప్‌ సౌకర్యం లేదు. రిజర్వేషన్‌లు వర్తిస్తాయి. ఆసక్తిగల అభ్యర్థులు వెబ్‌సైట్‌ నుంచి దరఖాస్తు ఫారాన్ని డౌన్‌లోడ్‌ చేసుకొని పూర్తిగా నింపి వర్సిటీ చిరునామాకు పంపాలి.
అయిదేళ్ల ఎల్‌ఎల్‌బీ: ఈ ప్రోగ్రామ్‌లో 18 సీట్లు ఉన్నాయి. ఏదేని గ్రూప్‌తో ఇంటర్‌/పన్నెండో తరగతి ఉత్తీర్ణులైన అభ్యర్థులు దరఖాస్తు చేసుకోవచ్చు. జనరల్‌ అభ్యర్థులకు కనీసం 45 శాతం మార్కులు ఉండాలి. బీసీ అభ్యర్థులకు 42 శాతం; ఎస్సీ, ఎస్టీ అభ్యర్థులకు 40 శాతం మార్కులు చాలు.
మూడేళ్ల ఎల్‌ఎల్‌బీ: ఈ ప్రోగ్రామ్‌లో 15 సీట్లు ఉన్నాయి. కనీసం 45 శాతం మార్కులతో ఏదేని డిగ్రీ/పీజీ ఉత్తీర్ణులైనవారు అర్హులు. బీసీ అభ్యర్థులకు 42 శాతం; ఎస్సీ, ఎస్టీ అభ్యర్థులకు 40 శాతం మార్కులు చాలు.
ఎంపిక: కౌన్సెలింగ్‌ ద్వారా అభ్యర్థులకు ప్రవేశాలు కల్పిస్తారు. లాసెట్‌/పీజీ లాసెట్‌/క్లాట్‌ అర్హత పొందినవారికి మొదటి ప్రాధాన్యం ఉంటుంది. ఇంకా సీట్లు మిగిలిన పక్షంలో అకడమిక్‌ ప్రతిభ ఆధారంగా అడ్మిషన్స్‌ ఇస్తారు.
కోర్సు ఫీజు: రూ.90,000
దరఖాస్తు ఫీజు: రూ.2,000
కౌన్సెలింగ్‌ ఫీజు: రూ.600
దరఖాస్తుకు చివరి తేదీ: అక్టోబరు 20
కౌన్సెలింగ్‌: అక్టోబరు 21న
కౌన్సెలింగ్‌కు తీసుకురావాల్సిన పత్రాలు: ఏపీ లా సెట్‌ 2023/ఏపీ పీజీ లాసెట్‌ 2023 ర్యాంక్‌ కార్డ్‌; టీసీ; ఇంటర్‌/డిప్లొమా సర్టిఫికెట్‌, మార్కుల పత్రాలు; డిగ్రీ సర్టిఫికెట్‌, మార్కుల పత్రాలు; పదోతరగతి సర్టిఫికెట్‌; తొమ్మిదో తరగతి నుంచి డిగ్రీ వరకు స్టడీ సర్టిఫికెట్స్‌; కులం, ఆదాయం, నివాసం సంబంధిత ధ్రువపత్రాలు.
చిరునామా: డైరెక్టర్‌, డైరెక్టరేట్‌ ఆఫ్‌ అడ్మిషన్స్‌, ఆంధ్ర యూనివర్సిటీ, విజయనగర్‌ ప్యాలెస్‌, పెద వాల్తేర్‌, విశాఖపట్నం-530017
వెబ్‌సైట్‌: ww.audoa.in
Updated Date - 2023-10-13T12:35:02+05:30 IST