Turmeric: పసుపుతో ఎన్ని ఉపయోగాలు ఉన్నాయో తెలిస్తే..!
ABN, First Publish Date - 2023-05-24T12:05:46+05:30
పసుపును వంటల్లోకి వేసుకుంటే ఆరోగ్యం వస్తుంది. చర్మానికి పట్టిస్తే ఎంతో మంచిది. ఇంతకీ పసుపుతో
పసుపును వంటల్లోకి వేసుకుంటే ఆరోగ్యం వస్తుంది. చర్మానికి పట్టిస్తే ఎంతో మంచిది. ఇంతకీ పసుపుతో ఎలాంటి ఫేస్‌ప్యాక్స్‌ తయారు చేసుకోవచ్చు.. వాటివల్ల ఎలాంటి ఉపయోగాలో తెలుసుకుందాం.
• బౌల్‌లోకి ఒక టేబుల్‌ స్పూన్‌ మంచి తేనె, టేబుల్‌ స్పూన్‌ పసుపు వేసి మిక్స్‌ చేయాలి. ఈ మిశ్రమాన్ని చర్మానికి పట్టించి ఇరవై నిముషాల పాటు ఆరనివ్వాలి. ఇలా తరచూ చేస్తుంటే చర్మంమీద ఉండే నొప్పులు తొలగిపోతాయి. నల్లటి మచ్చలు పోతాయి.
• బౌల్‌లో మూడు టేబుల్‌ స్పూన్ల ఓట్స్‌, అర టీస్పూన్‌ పసుపు, ఒక నిమ్మకాయ రసం పిండి మిశ్రమాన్ని కలపాలి. ఈ పేస్ట్‌ను ముఖానికి పట్టించుకుని పదిహేను నిముషాల తర్వాత కడిగేస్తే చర్మం కాంతివంతంగా ఉంటుంది.
• టేబుల్‌ స్పూన్‌ పసుపు, రెండు టేబుల్‌ స్పూన్ల పెరుగు వేసి కలపాలి. మీ చర్మం పొడిగా ఉంటే టేబుల్‌ స్పూన్‌ నిమ్మరసం కలపాలి. ఒకవేళ మీ చర్మం జిడ్డుగా ఉంటే నిమ్మరసం బదులు తేనె వేసి మిశ్రమాన్ని బాగా కలపాలి. ఈ పేస్ట్‌ను ముఖానికి మర్దనం చేస్తే చర్మం మృదువుగా తయారవుతుంది.
• బౌల్‌లో టేబుల్‌ స్పూన్‌ పాలు, టీస్పూన్‌ పసుపు కలిపాలి. ఈ మిశ్రమాన్ని ముఖానికి పట్టిస్తే చర్మం మీద ఉండే మృతకణాలు తొలగిపోతాయి.
• రెండు టేబుల్‌ స్పూన్ల ఆలివ్‌నూనె వేసిన తర్వాత అందులో టీస్పూన్‌ పసుపు కలపాలి. ఒకవేళ ఆలివ్‌ ఆయిల్‌ లేకపోతే కొబ్బరి నూనె తీసుకున్నా పర్వాలేదు. ఈ మిశ్రమాన్ని ముఖానికి పట్టిస్తే మాయిశ్చరైజర్‌లా పనిచేస్తుంది.
• రెండు టేబుల్‌ స్పూన్ల శనగపిండిలోకి అరటీస్పూన్‌ నిమ్మరసం కలపాలి. ఇందులోకి అరటీస్పూన్‌ పసుపు వేసి వీలయితే కొద్దిగా నీళ్లు పోసి పేస్ట్‌ చేసుకోవాలి. ఈ మిశ్రమాన్ని తరచూ పట్టించుకుంటుంటే చర్మం కాంతివంతంగా తయారవుతుంది.
• టేబుల్‌ స్పూన్‌ పుదీనా పేస్ట్‌లోకి అరటీస్పూన్‌ పసుపు కలిపి ఆ మిశ్రమాన్ని ముఖానికి పట్టించి పది నిముషాల తర్వాత శుభ్రం చేసుకుంటే చర్మం మీద ఉండే గాయాలు మానిపోతాయి.
Updated Date - 2023-05-24T12:05:46+05:30 IST