Pakistan : హిందూ డాక్టర్‌ను చంపిన డ్రైవర్ అరెస్ట్
ABN, First Publish Date - 2023-03-09T15:18:15+05:30
పాకిస్థాన్ (Pakistan)లో మత ఛాందసవాదుల దాడుల్లో హిందువులు విలవిలలాడుతున్నారు. తాజాగా ఆ దేశంలోని హైదరాబాద్‌లో హిందూ
ఇస్లామాబాద్ : పాకిస్థాన్ (Pakistan)లో మత ఛాందసవాదుల దాడుల్లో హిందువులు విలవిలలాడుతున్నారు. తాజాగా ఆ దేశంలోని హైదరాబాద్‌లో హిందూ డాక్టర్ ధరమ్ దేవ్ రాఠీ (Dharam Dev Raathi)ని ఆయన వద్ద డ్రైవర్‌గా పని చేస్తున్న హనీఫ్ లెఘరి దారుణంగా హత్య చేశాడు. ఆ డాక్టర్ ఇంట్లోనే మంగళవారం ఈ దారుణం జరిగింది. నిందితుడిని అరెస్ట్ చేసినట్లు పోలీసులు తెలిపారు.
పాకిస్థానీ మీడియా కథనాల ప్రకారం, ధరమ్ దేవ్ రాఠీ పాకిస్థాన్‌లోని హైదరాబాద్‌లో డెర్మటాలజీ డాక్టర్‌గా సేవలందిస్తున్నారు. ఆయన వద్ద డ్రైవర్‌గా పని చేస్తున్న హనీఫ్ లెఘరీ ఆయనను ఆయన ఇంట్లోనే మంగళవారం హత్య చేశాడు. నిందితుడు ఖైర్‌పూర్‌లోని తన ఇంట్లో ఉండటం గుర్తించి, అతనిని బుధవారం అరెస్ట్ చేశారు.
డాక్టర్ ఇంట్లో వంట చేసే వ్యక్తి పోలీసులకు తెలిపిన సమాచారం ప్రకారం, కారులో ఇంటికి వస్తున్న సమయంలో ధరమ్-డ్రైవర్ మధ్య ఘర్షణ జరిగింది. ఇంటికి చేరుకున్న తర్వాత హనీఫ్ వంటగదిలోకి వెళ్లి, ఓ కత్తిని తీసుకుని, ధరమ్‌ను పొడిచి హత్య చేశాడు. హనీఫ్ వెంటనే అక్కడి నుంచి ఆ డాక్టర్ కారులోనే పారిపోయాడు.
పాకిస్థాన్ మైనారిటీ వ్యవహారాల ప్రొవిన్షియల్ మినిస్టర్ గియాన్ చంద్ ఎస్సారాని మాట్లాడుతూ, బాధిత కుటుంబానికి న్యాయం చేస్తామన్నారు. నిందితుడిని 24 గంటల్లోనే అరెస్టు చేసిన పోలీసులను ప్రశంసించారు.
ఇవి కూడా చదవండి :
Rahul Gandhi : రాహుల్ గాంధీ అత్యంత ప్రమాదకారి : కేంద్ర మంత్రి
Puri : పురి దుకాణాల సముదాయంలో అగ్ని ప్రమాదం... ముగ్గురికి గాయాలు...
Updated Date - 2023-03-09T15:18:15+05:30 IST