Eiffel Tower: ఈఫిల్ టవర్‌కు బాంబు బెదిరింపుతో తీవ్ర ఉద్రిక్తత
ABN, First Publish Date - 2023-08-12T19:50:01+05:30
ఫ్రాన్స్ రాజధాని పారిస్ లోని ప్రపంచ ప్రఖ్యాతి చెందిన ఈఫిల్ టవర్ బాంబు బెదరింపు కాల్ రావడంతో తీవ్ర ఉద్రిక్తత నెలకొంది. వెంటనే అప్రమత్తమైన భద్రతా దళాలు ఆ ప్రాంతాన్ని అదుపులోకి తీసుకున్నాయి. టవర్లోని ఫ్లోర్‌లన్నింటినీ ఖాళీ చేయించారు. బాంబు స్క్వాడ్‌తో తనిఖీలు చేపట్టారు.
పారిస్: ఫ్రాన్స్ (France) రాజధాని పారిస్ (Paris)లోని ప్రపంచ ప్రఖ్యాతి చెందిన ఈఫిల్ టవర్ (Eiffel Tower) బాంబు బెదిరింపు కాల్ రావడంతో తీవ్ర ఉద్రిక్తత నెలకొంది. వెంటనే అప్రమత్తమైన భద్రతా దళాలు ఆ ప్రాంతాన్ని అదుపులోకి తీసుకున్నాయి. టవర్లోని ఫ్లోర్‌లన్నింటినీ ఖాళీ చేయించారు. బాంబు స్క్వాడ్‌తో తనిఖీలు చేపట్టారు. భారత కాలమాన ప్రకారం శనివారం మధ్యాహ్నం అజ్ఞాత వ్యక్తి నుంచి ఈ బెదరింపు ఫోన్ కాల్ వచ్చింది. ఈఫిల్ టవర్‌ను కూల్చేందుకు బాంబు పెట్టామని బెదరించాడు. దీంతో మధ్యాహ్నం 1.30 ప్రాంతానికి సందర్శకులందరినీ ఖాళీ చేయించారు. క్షుణ్ణంగా పరిశీలించేంత వరకూ సందర్శకులను తాత్కాలికంగా అనుమతించడం లేదని ఫ్రెంచ్ మీడియా తెలిపింది.
Updated Date - 2023-08-12T19:59:34+05:30 IST