Rahul Sipliganj : ధూల్‌పేట్‌ టు ఆస్కార్‌!
ABN, First Publish Date - 2023-03-14T03:48:14+05:30
ధూల్‌పేట్‌, మంగళ్‌హాట్‌ బస్తీల్లో తిరుగుతూ.. వినాయక ఉత్సవాల్లో మండపాల వద్ద పాటలు పాడుతూ.. గల్లీల్లో కబడ్డీ ఆడుతూ.. నోటికొచ్చిన పాటలతో స్నేహితుల మధ్య తిరిగే ఆ యువకుడు ఆస్కార్‌కు ..
గల్లీల్లో పాటలతో రాహుల్‌ ప్రస్థానం షురూ
హైదరాబాద్‌ సిటీ, మార్చి 13 (ఆంధ్రజ్యోతి): ధూల్‌పేట్‌, మంగళ్‌హాట్‌ బస్తీల్లో తిరుగుతూ.. వినాయక ఉత్సవాల్లో మండపాల వద్ద పాటలు పాడుతూ.. గల్లీల్లో కబడ్డీ ఆడుతూ.. నోటికొచ్చిన పాటలతో స్నేహితుల మధ్య తిరిగే ఆ యువకుడు ఆస్కార్‌కు ఎదిగాడు. ధూల్‌పేట్‌ బస్తీలోని ఓ సాధారణ మధ్యతరగతి కుటుంబంలో పుట్టిన రాహుల్‌ సిప్లిగంజ్‌.. చిన్నతనంలోనే పాటలపై ఆసక్తి పెంచుకున్నాడు. తన కొడుకును బాగా చదివించాలని తండ్రి ఆశపడ్డాడు. కానీ, రాహుల్‌ చదువు మీద శ్రద్ధ చూపకుండగా.. సంగీతంపై ఆసక్తి చూపుతున్నా.. ఆయన కోప్పడలేదు. కుమారుడి ఇష్టాన్ని గౌరవించి, వెన్నుతట్టి ప్రోత్సహించారు. రాహుల్‌ ఓ వైపు పాటల ప్రాక్టీస్‌ చేస్తూనే.. మరోవైపు నాంపల్లిలోని వారి బార్బర్‌ షాప్‌లో పని చేసేవాడు. రాహుల్‌కు తొలిసారిగా నాగచైతన్య సినిమా జోష్‌లో ‘కాలేజీ బుల్లోడా’ అనే పాట పాడే అవకాశం వచ్చింది. సంగీత దర్శకుడు కీరవాణి... రాహుల్‌ ప్రతిభను గుర్తించారు. దమ్ము సినిమాలో ‘వాస్తు బాగుందే’ పాటను పాడే అవకాశం ఇచ్చారు. ఆ తర్వాత పలు సినిమాల్లో పాటలు పాడిన రాహుల్‌.. ప్రేక్షకుల మన్నననలు అందుకున్నాడు.
Updated Date - 2023-03-14T03:48:14+05:30 IST