Chandrayaan-3 : చంద్రయాన్-3ని పర్యవేక్షిస్తున్న యూరోపియన్ స్పేస్ ఏజెన్సీ
ABN, First Publish Date - 2023-08-23T16:41:32+05:30
చంద్రయాన్-3ని పర్యవేక్షిస్తున్నట్లు యూరోపియన్ స్పేస్ ఏజెన్సీ (European Space Agency-ESA) బుధవారం ప్రకటించింది. ఈ కార్యక్రమానికి సంబంధించి తమ సంస్థలో అన్ని వ్యవస్థలు సజావుగా ఉన్నట్లు తెలిపింది.
న్యూఢిల్లీ : చంద్రయాన్-3ని పర్యవేక్షిస్తున్నట్లు యూరోపియన్ స్పేస్ ఏజెన్సీ (European Space Agency-ESA) బుధవారం ప్రకటించింది. ఈ కార్యక్రమానికి సంబంధించి తమ సంస్థలో అన్ని వ్యవస్థలు సజావుగా ఉన్నట్లు తెలిపింది. తమ సర్వీస్ మేనేజర్, ఇస్రో కోసం లయజన్ ఆఫీసర్‌గా పని చేస్తున్న రమేశ్ చెల్లతురాయ్ నుంచి మరింత సమాచారాన్ని పొందవచ్చునని ఓ ట్వీట్‌లో తెలిపింది.
చంద్రయాన్-3 కోసం తమ జెయింట్, మెకానికల్ యాంటెన్నాలు కఠోరంగా శ్రమిస్తున్నట్లు ఈఎస్ఏ చెప్పింది. అయితే అంతరిక్ష పరిశోధన కార్యక్రమానికి ఓ ప్రత్యేకతను సాధించినది మాత్రం మానవులేనని తెలిపింది. తమ బృందం రెండేళ్ల నుంచి చంద్రయాన్-3 కోసం పని చేస్తోందని, ఆ బృందంలో రమేశ్ ఒకరని వివరించింది.
రమేశ్ తెలిపిన వివరాల ప్రకారం, యూరోపియన్ స్పేస్ ఆపరేషన్స్ సెంటర్ జర్మనీలోని డర్మ్‌స్టడ్ట్‌‌లో ఉంది. కౌరోవ్, గూన్‌హిల్లీ, న్యూ నోర్షియాలలో ఉన్న గ్రౌండ్ స్టేషన్ల ద్వారా చంద్రయాన్-3కి అవసరమైన సహకారాన్ని అందిస్తోంది. చంద్రయాన్-3 విక్రమ్ ల్యాండర్ మాడ్యూల్‌ను ఈ స్టేషన్లు ట్రాక్ చేస్తున్నాయి.
చంద్రయాన్-3 చంద్రునిపై అడుగు పెట్టబోతున్న తరుణంలో ముంబై పోలీసులు బ్యాండ్‌ను వాయించి ఇస్రో (భారత అంతరిక్ష పరిశోధన సంస్థ)కు శుభాకాంక్షలు తెలిపారు. ఇస్రో మాజీ డైరెక్టర్ డాక్టర్ సురేంద్ర పాల్ మాట్లాడుతూ, చంద్రయాన్-3 విజయవంతమవుతుందని ధీమా వ్యక్తం చేశారు. చంద్రయాన్-2 నేర్పిన పాఠాలతో దీనిలో అనేక మార్పులు చేశారని చెప్పారు.
కేంద్ర మంత్రి అనురాగ్ ఠాకూర్ మాట్లాడుతూ, రోదసీ రంగంలో భారత దేశం గొప్ప ముందడుగు వేసిందని చెప్పారు. చంద్రయాన్-3 సున్నితంగా చంద్రునిపైకి దిగితే గొప్ప మార్పులు వస్తాయని తెలిపారు.
ఇవి కూడా చదవండి :
Chandrayaan-3 : చంద్రునిపై భారత్ జయకేతనం ఎగురవేయాలంటూ కోట్లాది మంది పూజలు
Chandrayaan-3 : గతంలో ఇస్రోను ఎగతాళి చేసిన పాకిస్థానీ నేత, ఇప్పుడు ఏమంటున్నారంటే..
Updated Date - 2023-08-23T16:41:32+05:30 IST