Secunderabad: గౌహతి-సికింద్రాబాద్ ఎక్స్ప్రెస్ రైలు ప్రయాణికులకు గుడ్ న్యూస్
ABN, First Publish Date - 2023-04-26T08:21:32+05:30
గౌహతి-సికింద్రాబాద్ రైలు ప్రయాణికులకు భారతీయ రైల్వే శుభవార్త వెల్లడించింది...
గౌహతి : గౌహతి-సికింద్రాబాద్ రైలు ప్రయాణికులకు భారతీయ రైల్వే శుభవార్త వెల్లడించింది.(Guwahati- Secunderabad Express) గౌహతి-సికింద్రాబాద్ గౌహతి వీక్లీ సూపర్‌ఫాస్ట్ ఎక్స్ప్రెస్ కింద నడిచే రెండు రైళ్లు ఆధునికీకరించిన కోచ్‌లను(Modernised coaches) పొందేందుకు సిద్ధంగా ఉన్నాయి.గౌహతి-సికింద్రాబాద్- గౌహతి నుంచి నడిచే రెండు రైళ్లు - 12514,12513 - ఆధునీకరించిన కోచ్‌లను ప్రవేశపెట్టనున్నారు. ఇంటిగ్రల్ కోచ్ ఫ్యాక్టరీలో కొత్తగా తయారు చేసిన రైలు బోగీలను సికింద్రాబాద్-గౌహతి వీక్లీ సూపర్‌ఫాస్ట్ ఎక్స్ప్రెస్ కు కేటాయించారు.గౌహతి నుంచి గురువారం బయలుదేరే రైలు నంబర్ 12514 గౌహతి-సికింద్రాబాద్ వీక్లీ సూపర్‌ఫాస్ట్ ఎక్స్ప్రెస్, సికింద్రాబాద్ నుంచి శనివారాల్లో బయలుదేరే రైలు నంబర్ 12513 సికింద్రాబాద్-గౌహతి వీక్లీ సూపర్‌ఫాస్ట్ ఎక్స్ప్రెస్ అధునాతన రైలు బోగీలతో నడుస్తాయి.ఈ రైలులో 22 ఎల్ హెచ్ బీ కోచ్ లు, ఒక ఎయిర్ కండిషన్డ్ 2-టైర్, ఐదు ఎయిర్ కండిషన్డ్ 3-టైర్, పన్నెండు స్లీపర్ క్లాస్, ఒక సెకండ్ క్లాస్, ఒక ప్యాంట్రీ కార్, రెండు జనరేటర్ కమ్ పవర్ కార్లు ఉంటాయి.ప్రతి కోచ్‌లో మాడ్యులర్ ఇంటీరియర్‌ డిజైన్లు ఉంటాయి.ఈ రైలులో సీలింగ్, లగేజ్ రాక్‌లు,విశాలమైన కిటికీలకు లైటింగ్‌ను అనుసంధానించారు.దీంతో రైలు ప్రయాణికులకు మరిన్ని సౌకర్యాలు అందుబాటులోకి రానున్నాయి.
Updated Date - 2023-04-26T08:21:32+05:30 IST