IIT Kanpur professor: స్టేజ్‌పై ఉపన్యసిస్తూ ఐఐటీ కాన్పూర్ ప్రొఫెసర్ కన్నుమూత
ABN, Publish Date - Dec 24 , 2023 | 11:00 AM
ఉత్తరప్రదేశ్‌లోని కాన్పూర్‌లో విషాధ ఘటన చోటుచేసుకుంది. ఐఐటీ కాన్పూర్ సీనియర్ ప్రొఫెసర్ సమీర్ ఖండేకర్ శనివారంనాడు పూర్వవిద్యార్థుల సమ్మేళనంలో ఉపన్యసిస్తుండగా స్టేజ్‌పైనే కుప్పకూలిపోయారు. ఆసుపత్రికి తరలిస్తుండగానే ఆయన కన్నుమూశారు.
కాన్పూర్: ఉత్తరప్రదేశ్‌లోని కాన్పూర్‌లో విషాధ ఘటన చోటుచేసుకుంది. ఐఐటీ కాన్పూర్ (IIT kanpur) సీనియర్ ప్రొఫెసర్ సమీర్ ఖండేకర్ (Sameer Khandekar) శనివారంనాడు పూర్వవిద్యార్థుల సమ్మేళనంలో ఉపన్యసిస్తుండగా స్టేజ్‌పైనే కుప్పకూలిపోయారు. ఆసుపత్రికి తరలిస్తుండగానే ఆయన కన్నుమూశారు. ఖండకర్ ఐదేళ్ల క్రితమే హై కొలస్ట్రాల్ లెవల్స్‌తో బాధపడుతున్నట్టు వైద్యులు గుర్తించారని కాలేజీ ప్రొఫెసర్ ఒకరు తెలిపారు.
ప్రొఫెసర్ ఖండేకర్ ఆకస్మిక మృతిపై ఐఐటీ కాన్పూర్ మాజీ డైరెక్టర్ అభయ్ కరాండికార్ దిగ్భ్రాంతి వ్యక్తం చేశారు. 53 ఏళ్ల ఖండేకర్ టీచర్‌గా, రీసెర్చర్‌గా అసమాన ప్రతిభావంతులని చెప్పారు. ఖండేకర్ వేదికపై ప్రసంగిస్తుండగా తీవ్రమైన ఛాతీనొప్పికి గురై విపరీతంగా చమటలు పట్టాయని, దీనిని గుర్తించేలోపే ఆయన స్టేజీపై కుప్పకూలిపోయారని కరాండికర్ తెలిపారు. మృతదేహాన్ని ఐఐటీ హెల్త్ కేర్ సెంటర్‌లో ఉంచామని, కేంబ్రిడ్జి యూనివర్శిటీలో చదువుతున్న ఖండేకర్ కుమారుడు ప్రవాహ్ ఖండేకర్ రాగానే అంత్యక్రియులు నిర్వహిస్తామని ఆయన చెప్పారు.
Updated Date - Dec 24 , 2023 | 11:00 AM
