158 vehicles collided : పొగ.. మంచు.. 158 వాహనాలు ఢీ!
ABN, First Publish Date - 2023-10-25T02:21:24+05:30
ఎగుడుదిగుడులు లేని నున్నటి హైవే! 120 కిలోమీటర్లకు పైగా వేగంతో దూసుకుపోతున్న వాహనాలు!!కానీ..
ఏడుగురి దుర్మరణం.. అమెరికాలో విషాదం
వాషింగ్టన్‌, అక్టోబరు 24: ఎగుడుదిగుడులు లేని నున్నటి హైవే! 120 కిలోమీటర్లకు పైగా వేగంతో దూసుకుపోతున్న వాహనాలు!!కానీ.. దట్టంగా కమ్ముకొన్న మంచు.. ఆ చుట్టుపక్కల ప్రాంతాల్లో చెలరేగిన కార్చిచ్చు కారణంగా కమ్ముకొన్న పొగ వల్ల.. ఒక వాహనం ముందున్న వాహనాన్ని ఢీకొంది! ఆ రెండిటి వెనుకా వచ్చిన మరో వాహనం వాటిని ఢీకొంది. అలా ఒకదాని తర్వాత ఒకటిగా 158 వాహనాలు గుద్దుకొన్నాయి! ఈ తాకిడికి కొన్ని కార్లలో మంటలు చెలరేగి ఏడుగురు ప్రాణాలు కోల్పోయారు. మరో పాతికమందికి పైగా గాయాలపాలయ్యారు. అమెరికాలోని లౌసియానా రాష్ట్రం న్యూఆర్లీన్స్‌ హైవేపై సోమవారం ఉదయం ఈ ఘోరం జరిగింది.
Updated Date - 2023-10-25T02:21:24+05:30 IST