Snow: మంచు గుప్పెట్లో ఊటీ
ABN, First Publish Date - 2023-01-22T09:09:21+05:30
నీలగిరి జిల్లాలో పదిరోజులుగా ఉదయం దట్టమైన మంచు కురుస్తోంది. ఊటీలో శనివారం పగటి ఉష్ణోగ్రత 23.7 డిగ్రీలు, రాత్రి ఉష్ణోగ్రతలు
- 1.9 డిగ్రీల ఉష్ణోగ్రతలు నమోదు
పెరంబూర్‌(చెన్నై), జనవరి 21: నీలగిరి జిల్లాలో పదిరోజులుగా ఉదయం దట్టమైన మంచు కురుస్తోంది. ఊటీలో శనివారం పగటి ఉష్ణోగ్రత 23.7 డిగ్రీలు, రాత్రి ఉష్ణోగ్రతలు 1.9 డిగ్రీల సెల్సియ్‌సగా నమోదయ్యాయి. ఊటీ(Ooty) సమీపంలోని అవలాంటి జలాశయంలో దట్టమైన పొగమంచుతో నీరు కనిపించని పరిస్థితులు నెలకొన్నాయి. చెట్లపై ఐస్‌ కడ్డీల వలే మంచు పేరుకుపోతోంది. కోతగిరి, మంజూర్‌, కోలకొంబై, గ్రేక్‌మోర్‌, నాన్స తదితర ప్రాంతాల్లో మంచు తీవ్రత అధికంగా ఉంది. చలితీవ్రత నుంచి బయటపడేలా ప్రజలు మంటలు వేసుకున్న తొట్టెల ముందు కూర్చుంటున్నారు. తేయాకు తోటల్లో పనిచేసే వారు ఫుల్‌ స్వెట్టర్లు ధరిస్తున్నారు. పాఠశాలలకు వెళ్లే విద్యార్థులు, కార్యాలయాలకు వెళ్లే ఉద్యోగస్తులు కూడా స్వెట్టర్లు ధరిస్తున్నారు. మంచు కారణంగా ఊటీలోని పర్యాటక ప్రాంతాలు పర్యాటకులు లేకుండా దర్శనమిస్తున్నాయి.
Updated Date - 2023-01-22T09:09:23+05:30 IST