Biryani : ఒకే బిర్యానీ ఆకు.. గుప్పెడు ఉపయోగాలు!
ABN, First Publish Date - 2023-02-09T00:16:36+05:30
ప్రాంతాన్ని బట్టి పలు రకాల ఆకుల్ని వండేప్పుడు ఆహారంలో వేస్తారు. ముఖ్యంగా బిర్యానీతో పాటు పప్పు ధాన్యాలు, సూప్స్‌, తేనీరులో వీటిని కలిపి కుక్‌ చేస్తారు.....
ప్రాంతాన్ని బట్టి పలు రకాల ఆకుల్ని వండేప్పుడు ఆహారంలో వేస్తారు. ముఖ్యంగా బిర్యానీతో పాటు పప్పు ధాన్యాలు, సూప్స్‌, తేనీరులో వీటిని కలిపి కుక్‌ చేస్తారు. రుచి, సువాసన, తాజాదనంతో పాటు ఆరోగ్యానికీ ఈ బిర్యానీ ఆకులు మేలు చేస్తాయి.
మాంసంతో కలిపి వండినపుడు, లేదా మరే ఆహారంలో అయినా బిర్యానీ ఆకుల్ని వాడితే తిన్న ఆహారం సులువుగా జీర్ణమవుతుంది. గ్యాస్‌ట్రబుల్‌, వాంతి చేసుకోవటం లాంటి సమస్యలు ఉండవు.
ఈ ఆకులతో చేసిన టీ ప్రతిరోజూ తాగితే శరీరంలోని చెడు కొలెస్ర్టాల్‌ కరిగిపోతుంది.
ఈ ఆకుల్లో ఐరన్‌, కాల్షియం, మాంగనీసుతో పాటు విటమిన్‌-కె పుష్కలం కాబట్టి ఎముకల దృఢత్వానికి, పటుత్వానికి ఉపయోగం.
రక్తంలోని చక్కెరశాతాన్ని అదుపులో ఉంచుతుంది. చక్కటి నిద్ర పడుతుంది.
రక్తపోటును అదుపులో ఉంచుతుంది. దీంతో గుండె ఆరోగ్యానికి ఎంతో మేలు చేస్తుంది.
జుట్టు ఆరోగ్యానికి మేలు చేస్తుంది.
ఈ రోజుల్లో ఆందోళన, ఒత్తిడి సహజంగా ఉంటున్నాయి. ఈ ఆకుల్లో ఉండే లినూల్స్‌ శరీరంలోని ఒత్తిడి కలిగించే హార్మోన్లను అదుపు చేసే గుణం ఉంటుంది. అందుకే ఆందోళన, ఒత్తిడి తగ్గిపోతాయి.
ఈ హెర్బల్‌ ఆకుల రసాన్ని కీళ్లవాపులు, కండరాల నొప్పులను తగ్గించడానికి వాడతారు.
శరీరంలోని ఫ్రీరాడికల్స్‌ను తొలగిస్తుంది. ఫ్లూ తగ్గిస్తుంది. దీంతో పాటు వ్యాధినిరోధక శక్తిని పెంచుతుంది.
కంటిచూపుతో పాటు చర్మఆరోగ్యానికి ఎంతో మంచిది.
ఆరోగ్యానికి మంచిదని మూడు కంటే ఎక్కువ బిర్యానీ ఆకులు వేసుకుంటే రక్తం గడ్డకట్టకపోవడంతో మరిన్ని సమస్యలు తలెత్తుతాయి.
బిర్యానీ ఆకుల పొడి నీటిలో కలిపి ఉదయం, సాయంత్రం పూట తాగడం అలవాటు చేసుకుంటే మధుమేహం ఉండేవారికి ఎంతో మంచిది.
దగ్గు, వైరల్‌ ఫీవర్లలాంటివి తగ్గిపోతాయి.
Updated Date - 2023-02-09T06:44:14+05:30 IST