Tartar on Teeth: ఎన్నిసార్లు బ్రష్ చేసినా.. పళ్లు ఇలాగే ఉంటున్నాయా..? గారపట్టి అస్సలు పోవడం లేదా..? ఈ 6 చిట్కాలతో..!
ABN, First Publish Date - 2023-09-22T14:35:19+05:30
ముత్యాల దంతాలు కావాలంటే, ధూమపానం మానేయడం ఉత్తమం.
అందమైన చిరునవ్వుకు అంతే అందాన్నిచ్చేవి దంతాలు, దంతాలు అందంగా కనిపించాలంటే శుభ్రత కూడా అంతే అవసరం. రెగ్యులర్ గా దంతాలను బ్రష్ చేస్తున్నప్పటికీ వాటికి గారపడుతున్నట్లయితే ఈ చిట్కాలతో చెక్ పెట్టవచ్చు. దంతాల మీద అంటుకున్న మురికి టార్టార్‌ను తొలగించడానికి ప్రతిసారీ దంతవైద్యుని వద్దకు వెళ్లవలసిన అవసరం లేదు, కొన్ని ఇంటి చిట్కాలతో ఈ పసుపు రంగును శుభ్రం చేయవచ్చు. అదెలాగంటే..
1. దంతాల నుండి టార్టార్ తొలగించడం ద్వారా ఈ గారను తీసేయవచ్చు. అసలు టార్టార్ అనేది దంత ఫలకం నుండి ఉత్పత్తి చేయబడిన గట్టి పదార్ధం, ఇది సాధారణంగా దంతాల ఉపరితలంపై పేరుకుపోతూ ఉంటుంది. ఇది దంతక్షయం, పంటి నొప్పి, నోటి దుర్వాసన, దంతాలు పసుపు రంగులోకి మారడం, కాలేయం, చిగుళ్ల సమస్యలను కలిగిస్తుంది.
2. ముందుగా చేయాల్సిన సులువైన పని ఉదయం, సాయంత్రం కనీసం రెండు నిమిషాల పాటు దంతాలను బ్రష్ చేయండి.
3. దీనికోసం మృదువైన బ్రిస్టల్ బ్రష్, మంచి డెంటల్ పేస్ట్ ఉపయోగించండి. పొగ త్రాగుటం దంతాల ఫలకం, టార్టార్ మొత్తాన్ని వేగంగా పెంచుతుంది, కాబట్టి ముత్యాల దంతాలు కావాలంటే, ధూమపానం మానేయడం ఉత్తమం.
ఇది కూడా చదవండి: 60 ఏళ్ల వయసొచ్చినా కొందరిలో వృద్ధాప్య ఛాయలే కనిపించవు.. ఎందుకనే డౌట్ వచ్చిందా..? వీటిని తింటే..!
4. శీతల పానీయాలు, స్వీట్లతో జాగ్రత్తగా ఉండండి. శీతల పానీయాలు, స్వీట్లలో కార్బోహైడ్రేట్లు, చక్కెర అధికంగా ఉంటాయి, ఇవి సులభంగా టార్టార్‌ను పెంచుతాయి.
5. రెగ్యులర్ చెక్ అప్ కూడా ముఖ్యం. దంతవైద్యుడిని కలిసి క్రమం తప్పకుండా దంతాలను తనిఖీ చేయించాలి.
6. దంతాలు పసుపు రంగులోకి మారడానికి ప్రధాన కారణమైన ఫ్లాస్ గురించి చాలా మంది పట్టించుకోరు. ఆమ్లాలు లేని ఆహారాలు తినాలి. ఆమ్లం లేని పండ్లు, కూరగాయలను తీసుకోవడం వల్ల దంతాల మీద టార్టార్ నిక్షేపాలు పెరగకుండా నిరోధించవచ్చు. దాని పరిమాణం ఎక్కువగా ఉంటే, వైద్యుడిని సంప్రదించాలి.
Updated Date - 2023-09-22T14:35:19+05:30 IST