Ethnic wear : అదరగొట్టే ఎథ్నిక్ వేర్
ABN, First Publish Date - 2023-11-28T23:54:44+05:30
సందర్భానికి తగిన దుస్తులను ఎంచుకోవడం కూడా ఒక కళే! వేడుకలకు నప్పే దుస్తులను ఎంచుకోవడంలో మెలకువలను పాటిస్తే, నలుగురి దృష్టినీ
సందర్భానికి తగిన దుస్తులను ఎంచుకోవడం కూడా ఒక కళే! వేడుకలకు నప్పే దుస్తులను ఎంచుకోవడంలో మెలకువలను పాటిస్తే, నలుగురి దృష్టినీ ఆకర్షించవచ్చు. అందుకోసం సందర్భానికి తగిన దుస్తులను ఇలా ఎంచుకోండి.
బ్రైడల్ వేర్
పెళ్లి వేడుకల్లో మెరిసిపోవాలంటే, భారీ పనితనం కలిగి ఉండే బ్రైడల్ లెహెంగా ధరించాలి. సెక్విన్లు, ఎంబ్రాయిడరీ, జరీ బార్డరు కలిగి ఉండే లెహెంగాలు ఈ వేడుకలకు నప్పుతాయి. అలాగే జరీ చీరలు, కాంజీవరం పట్టు చీరలు కూడా పెళ్లి వేడుకల్లో అతిథులను కళ్లు తిప్పుకోనివ్వకుండా చేస్తాయి. అయితే తేలికపాటి రంగులకు బదులుగా ఎరుపు, పసుపు, ఆకుపచ్చ లాంటి ముదురు రంగు పట్టు చీరలను ఎంచుకోవాలి.
ఈవినింగ్ పార్టీ వేర్
ఈ వేడుకల్లో గౌన్లు, ఫ్లోర్ లెంగ్త్ అనార్కలి డ్రస్సులు బాగుంటాయి. ఆకట్టుకునే రంగులతో కూడిన పొడవాటి డిజైనర్ గౌన్లు, వాటికి తగిన యాక్సెసరీస్ ధరిస్తే ఈవినింగ్ పార్టీలో మెరుపుతీగలా మెరిసిపోవచ్చు. ఇక నేల మీద జీరాడే ఫ్లోర్ లెంగ్త్ అనార్కలి డ్రస్సులో మహరాణిలా వెలిగిపోవచ్చు. ఇవి సంప్రదాయ పెళ్లి ఫంక్షన్లకు బాగుంటాయి.
పార్టీ వేర్
ప్రత్యేకమైన సందర్భాల్లో, పార్టీల్లో ధరించడానికి అనార్కలి, ప్యాంట్ స్టైల్ సల్వార్ సూట్లు బాగుంటాయి. అనార్కలి డ్రస్తో గ్లామరస్ లుక్ సొంతమైతే, సల్వార్ సూట్తో సిగ్నేచర్ లుక్ సొంతమవుతుంది. పార్టీలు, ఈవెంట్లకు ఈ రెండు రకాల డ్రస్సులు చాలా బాగా సూటవుతాయి.
Updated Date - 2023-11-28T23:54:54+05:30 IST