Viral News: జుట్టుకు హెన్నా పెడితే మంచిదే కదా అని ఇష్టం వచ్చినట్టు వాడితే జరిగేది ఇదే.. అసలు నెలలో ఎన్నిసార్లు వాడాలంటే..!
ABN, First Publish Date - 2023-06-07T12:32:49+05:30
నానబెట్టి వాడితే జుట్టు మెరుస్తూ సహజమైన హెయిర్ మాస్క్‌గా ఉపయోగపడుతుంది.
కాస్త జుట్టు పలచబడుతున్నా, తెల్లబడుతున్నా చాలామందిలో గుబులు మొదలవుతుంది. ఏం చేయాలో తెలియక.. అప్పటికి మార్గెట్ లో ఉన్న ప్రొడక్ట్స్ వాడేస్తూ ఉంటారు. అసలు ఇవి జుట్టుకు ఎంతవరకూ పనిచేస్తాయి. అసలు పనిచేస్తాయా లేదా అనేది కూడా ఆలోచించము. అసలు హెన్నాను నెలలో ఎన్నిసార్లు జుట్టుకు అప్లయ్ చేయాలి. అనేది సరిగ్గా ఎవరికీ తెలీదు. హెన్నాను సరైన సమయంలో, సరైన పద్ధతిలో జుట్టుకు అప్లై చేయడం అవసరం, లేకుంటే జుట్టు రంగు ప్రభావితం కావచ్చు. హెన్నాను సరిగ్గా అప్లై చేసినప్పుడే జుట్టు అందంగా కనిపిస్తుంది. అలాగే నిగనిగలాడుతూ ఉంటుంది.
జుట్టు రంగును మెరుగుపరచడంలో సహజ రంగులాగా గోరింటాకుని ఉపయోగిస్తారు. తెల్ల వెంట్రుకలు ఉన్న వారు, కొద్దిగా ఎర్రబడటానికి హెన్నాను ఉపయోగిస్తారు. కానీ, హెన్నా వాడే సమయంలో కొన్ని జాగ్రత్తలు తీసుకోవడం చాలా ముఖ్యం. హెన్నాను ఒక నెలలో ఎక్కువగా అప్లై చేస్తే, అది జుట్టును విపరీతంగా పొడిగా మార్చుతుంది. ఇది కాకుండా, హెన్నాను తప్పుగా ఉపయోగించడం వల్ల జుట్టు రంగు, ఆకృతి కూడా క్షీణిస్తుంది.
నెలకు ఎన్ని సార్లు..
హెన్నాను 4 వారాలకు ఒకసారి అప్లై చేస్తే జుట్టుకు హాని కలిగించదు. నెలకు ఒకసారి హెన్నాను అప్లై చేస్తే, జుట్టుకు దాని నుండి అనేక ప్రయోజనాలు లభిస్తాయి. ఇది కాకుండా, రసాయన హెన్నాకు బదులుగా హెర్బల్ లేదా నేచురల్ హెన్నాను ఉపయోగించడానికి ప్రయత్నించండి. ఇది జుట్టుకు మేలు చేస్తుంది.
ఇది కూడా చదవండి: కోడిగుడ్డు పెంకులు పనికి రావని పారేస్తున్నారా..? అవి ఇలా కూడా పనికొస్తాయని అస్సలు ఊహించలేరు..!
మెహందీని ఎంత సమయం ఉంచాలి..
హెన్నాను జుట్టుకు ఎంత సమయం పెట్టాలంటే.. జుట్టును హైలైట్ చేయడానికి హెన్నాను అప్లై చేస్తుంటే, 1 నుండి 3 గంటలు ఖచ్చితంగా సరిపోతుంది. తెల్ల వెంట్రుకలను కవర్ చేయడానికి లోతైన రంగు కావాలంటే, 3 నుండి 4 గంటలు సరిపోతుంది.
మెహందీని ఎలా సిద్ధం చేయాలి.
మెహందీని గోరువెచ్చని నీటిలో నానబెట్టి, పేస్ట్ తయారు చేయాలి. తెల్ల జుట్టు నల్లగా మారడానికి హెన్నాను అప్లై చేస్తుంటే, దానిని నానబెట్టి రాత్రంతా ఉంచాలి. హెన్నాను నానబెట్టడానికి టీ డికాషన్ నీటిని ఉపయోగించవచ్చు. ఇది కాకుండా, ఇనుప పాత్రలో నానబెట్టిన హెన్నా మంచిదని కూడా భావిస్తారు. ఉసిరి పొడితో హెన్నా కలిపి నానబెట్టి వాడితే జుట్టు మెరుస్తూ సహజమైన హెయిర్ మాస్క్‌గా ఉపయోగపడుతుంది.
ఎక్కువసేపు ఉంచితే
హెన్నాను జుట్టుపై ఎక్కువసేపు ఉంచితే, హెన్నా జుట్టులోని తేమను గ్రహిస్తుంది. జుట్టు విపరీతంగా పొడిగా మారుతుంది. హెన్నా వల్ల స్కాల్ప్ బ్లాక్ అయ్యే సమస్య కూడా ఉంటుంది. కాబట్టి సరైన సమయంలో తీసివేసి చల్లని నీటితో కడిగేయడం మంచిది.
Updated Date - 2023-06-07T12:32:49+05:30 IST