Highland Cow : మీకు తెలుసా?
ABN, First Publish Date - 2023-09-28T00:04:28+05:30
గోధుమరంగు జుట్టు, కళ్లమీద కూడా కదిలే జుట్టుతో పాటు పొడవైన కొమ్ములుండే ఈ ఆవును ‘హైలాండ్‌ కౌ’ అని పిలుస్తారు. వీటినే ‘స్కాటిస్‌ క్యాటిల్‌’, ‘స్కాటిస్‌ హైలాండ్‌ కౌ’, ‘
గోధుమరంగు జుట్టు, కళ్లమీద కూడా కదిలే జుట్టుతో పాటు పొడవైన కొమ్ములుండే ఈ ఆవును ‘హైలాండ్‌ కౌ’ అని పిలుస్తారు. వీటినే ‘స్కాటిస్‌ క్యాటిల్‌’, ‘స్కాటిస్‌ హైలాండ్‌ కౌ’, ‘వెస్ట్‌ హైలాండ్‌ క్యాటిల్‌’ అని కూడా పిలుస్తారు.
ఇవి కొన్ని నలుపు రంగులో కూడా ఉంటాయి.
ఒకప్పుడు స్కాట్లాండ్‌కు ఇవే ఆర్థిక సంపద. 1724 వ సంవత్సరంలో బ్రిటిషర్లు ఈ అవుల్ని 30 వేలకు పైగా స్కాట్లాండ్‌ నుంచి కొన్నారట. 1884 వ సంవత్సరం నుంచి వీటి సంతతి అభివృద్ధి చెందింది.
ఇవి స్కాటాండ్‌లోని భూముల్లోనే కాకుండా ఐలాండ్స్‌లోనూ నివసిస్తాయి.
వీటి పాలల్లో వెన్నశాతం ఎక్కువగా ఉంటుంది. ఒక్కో ఆవు 500 కేజీల బరువు ఉంటే.. ఎద్దు మాత్రం 800 కేజీల బరువు ఉంటుంది.
వెస్ట్‌ హైలాండ్‌, హైలాండ్స్‌లో జీవించే ఆవుల్ని రెండు రకాలుగా స్కాట్లాండ్‌ వర్గీకరించింది. వెస్ట్‌ హైలాండ్‌ కాస్త చిన్నవి. నల్లగా ఉంటాయి. అయితే హైలాండర్‌లో మాత్రం బతికినవి బలమైనవి. పెద్దవి.
ఎలిజబెత్‌ రాణికి హైలాండర్స్‌లోని ఆవులు మాత్రమే ఇష్టమట. అంతేనా వాటి మాంసమూ ఆమెకు ఇష్టమని పుకార్లు వచ్చాయి. వాస్తవానికి వాటి మీట్‌కోసమే ఐరోపా దేశాలవాళ్లు తెగ ఆరాటపడతారు.
ఎద్దుల కొమ్ములు వైడ్‌గా ఉంటే ఆవుల కొమ్ములు షార్ప్‌తో పాటు పొడవుగా ఉంటాయి.
హైలాండ్స్‌లో ఉండే ఆవులు గడ్డితో పాటు గింజలు, పండ్లు, కార్న్‌లను ఇష్టంగా తింటాయి.
ఇవి గంటకు నలభై కిలోమీటర్ల వేగంతో పరిగెత్తుతాయి.
రోజులో ఎనిమిది గంటల్లో కనీసం డెబ్భయ్‌ కేజీల ఆహారాన్ని తింటాయి. ఆ తర్వాత నెమరేస్తుంటాయి. తెలివైనవి జంతువులివి.
పదిహేను సంవత్సరాలనుంచి ఇరవై సంవత్సరాల దాకా వీటి జీవనకాలం ఉంటుంది.
Updated Date - 2023-09-28T00:04:28+05:30 IST