Eega : ఈగ మళ్లీ ఎగురుతుందా?
ABN, First Publish Date - 2023-06-04T00:44:15+05:30
రాజమౌళి కెరీర్‌లో ‘ఈగ’కు ప్రత్యేకమైన స్థానం ఉంది. చిన్న సినిమాగా విడుదలై.. పెద్ద విజయాన్ని అందుకొన్న ఈ చిత్రం రాజమౌళి సృజనాత్మకతకు అద్దం పటింది. సీజీలతో
రాజమౌళి కెరీర్‌లో ‘ఈగ’కు ప్రత్యేకమైన స్థానం ఉంది. చిన్న సినిమాగా విడుదలై.. పెద్ద విజయాన్ని అందుకొన్న ఈ చిత్రం రాజమౌళి సృజనాత్మకతకు అద్దం పటింది. సీజీలతో అద్భుతాలు చేయొచ్చన్న నమ్మకాన్ని రాజమౌళికి కల్పించింది. ఈ సినిమాకి సీక్వెల్‌ వస్తుందని ఎప్పటి నుంచో ప్రచారం జరుగుతోంది. నాని కూడా ‘పార్ట్‌ 2 ఎప్పుడూ..?’ అంటూ వీలైనప్పుడల్లా జక్కన్నని అడుగుతూనే ఉన్నాడు. అయితే రాజమౌళి ఇప్పుడు పాన్‌ వరల్డ్ డైరెక్టర్‌ అయిపోయాడు. అన్నీ పెద్ద ప్రాజెక్టులే. ఈ నేపథ్యంలో ‘ఈగ 2’ వచ్చే ఛాన్సులు లేవనుకొన్నారంతా. ‘ఈగ’ టీమ్‌ కూడా ఈ విషయాన్ని లైట్‌ తీసుకొంది. అయితే అనూహ్యంగా రాజమౌళి దృష్టి ‘ఈగ’ సీక్వెల్‌పై పడినట్టు టాక్‌. ‘ఈగ 2’లో ఏం చూపించాలి? ఆ కథ ఎలా ఉండాలి? అనే విషయమై రాజమౌళికి ఓ స్పష్టత వచ్చినట్టు సమాచారం. ప్రస్తుతం ఓ టీమ్‌తో ఈ స్క్రిప్టుని రెడీ చేసే పనిలో ఉన్నారని ఇన్‌ సైడ్‌ వర్గాలు చెబుతున్నాయి. ‘ఆర్‌.ఆర్‌.ఆర్‌’ తరవాత మహేశ్‌బాబుతో ఓ సినిమా పట్టాలెక్కిస్తున్నాడు రాజమౌళి. అది పూర్తయిన తరవాత.. ‘ఈగ 2’ని సెట్స్‌పైకి తీసుకెళ్లాలని భావిస్తున్నారు. ‘ఈగ’ని ఎలాగైతే ప్రయోగాత్మక చిత్రంగా భావించి మొదలెట్టారో, అలానే ‘ఈగ 2’ని సైతం ఓ ఎక్స్‌పెర్‌మెంటల్‌ సినిమాగా తీర్చిదిద్దబోతున్నారట. మరి ఈ ‘ఈగ’ ఎలా ఉంటుందో తెలియాలంటే రాజమౌళి నోరు విప్పాల్సిందే.
Updated Date - 2023-06-04T00:44:15+05:30 IST