NRI: సింగపూర్ బాలికలతో అసభ్యకరంగా వ్యవహరించిన భారతీయుడికి జైలు శిక్ష
ABN, First Publish Date - 2023-06-24T23:04:15+05:30
బాలికలతో అసభ్యకరంగా వ్యవహరించిన ఓ భారతీయుడికి అక్కడి న్యాయస్థానం మూడు నెలల నాలుగు వారాల పాటు జైలు శిక్ష విధించింది.
ఎన్నారై డెస్క్: బాలికలతో అసభ్యకరంగా వ్యవహరించిన ఓ భారతీయుడికి అక్కడి న్యాయస్థానం మూడు నెలల నాలుగు వారాల పాటు జైలు శిక్ష విధించింది. తాను నేరం చేసినట్టు సుశీల్ కుమార్ అంగీకరించడంతో కోర్టు ఈ మేరకు శిక్ష విధించినట్టు స్థానిక మీడియా శుక్రవారం పేర్కొంది. గతేడాది ఆగస్టులో సుశీల్ కుమార్ ఓ బాలికను వేధించాడు. మెట్రో స్టేషన్ వద్ద ఆమెను సమీపించి ఆమెను కౌగిలించుకున్నాడు. బుగ్గలను ముద్దాడాడు. ఆ తరువాత ఆమె ఫోన్ నెంబర్ కూడా తీసుకుని అదే రోజు వాట్సాప్‌లో ఎమోజీలు, సందేశాలు పంపించాడు. ఈ విషయాలను బాలిక తన తల్లిదండ్రులకు చెప్పడంతో వారు పోలీసులకు ఫిర్యాదు చేశారు. పోలీసులు మరుసటి రోజే అతడిని అరెస్టు చేశారు. ఇది జరిగిన మరో మూడు నెలలకు మరో బాలికతో ఇదే తరహాలో వ్యవహరించాడు. ఈ రెండు కేసుల్లోనూ తాజాగా నిందితుడికి జైలు శిక్ష పడింది.
Updated Date - 2023-06-24T23:10:56+05:30 IST