NRI TDP USA-Womens Wing ఆధ్వర్యంలో పాతపట్నంలో ఎన్టీఆర్ అన్న క్యాంటిన్!
ABN, First Publish Date - 2023-02-10T21:19:09+05:30
ఎన్నారై మహిళా విభాగం అధ్యక్షురాలు జాగర్లమూడి శివానీ బృందం ఇప్పుడు శ్రీకాకుళం జిల్లా పాతపట్నం నియోజకవర్గంలో అన్నా క్యాంటీన్‌ను NRI TDP USA Coordinator జయరాం కోమటి చేతుల మీదగా ప్రారంభింప చేశారు.
ఎన్నారై టీడీపీ మహిళా విభాగం గత నెల 30న పాత విశాఖ జిల్లా యలమంచిలి నియోజకవర్గంలో అన్నా క్యాంటీన్ ప్రారంభించిన విషయం తెలిసిందే. అది ఎంతో మంది పేదల ఆకలి తీరుస్తూ స్థానికుల మన్ననలు పొందింది. అదే స్ఫూర్తితో అతి తక్కువ వ్యవధిలో, ఎన్నారై మహిళా విభాగం అధ్యక్షురాలు జాగర్లమూడి శివానీ బృందం ఇప్పుడు శ్రీకాకుళం జిల్లా పాతపట్నం నియోజకవర్గంలో అన్నా క్యాంటీన్‌ను NRI TDP USA Coordinator జయరాం కోమటి చేతుల మీదగా ప్రారంభింప చేశారు.
ఈ కార్యక్రమంలో జయరాం కోమటి మాట్లాడుతూ విదేశాలలో ఉన్న తమకు పేదల ఆకలి తీర్చే ఈ కార్యక్రమం ఎంతో తృప్తి నిచ్చిందని, ఈ కార్యక్రమాన్ని ఎన్నారై మహిళా విభాగం ఎంతో చక్కగా అమలు చేసిందని అభినందించారు. రాజకీయ విశ్లేషకులు అడుసుమిల్లి శ్రీనివాసరావు పాల్గొని తమ సందేశాన్ని ఇచ్చారు. అలాగే కార్యక్రమంలో పాల్గొన్న పలువురు స్థానిక మహిళలు ఎన్నారై టీడీపీ మహిళా విభాగం నిత్యం తమతో మాట్లాడుతూ, తమకు ఉత్తేజాన్ని, ఉత్సాహాన్ని, ధైర్యాన్ని, భరోసాన్ని ఇచ్చిందని తెలిపారు.
పాతపట్నం టీడీపీ నియోజకవర్గ బాధ్యులు కలమట వెంకట రమణ మాట్లాడుతూ తమ నియోజకవర్గం లో యన్ ఆర్ ఐ లు ఈ మహత్తర కార్యక్రమాన్ని ప్రారంభించినందుకు యన్ ఆర్ ఐ లకు కృతజ్ఞతలు తెలిపారు. ఈ కార్యక్రమంలో ఎన్నారైలు శ్రీకాంత్ దొడ్డపనేని, గోకుల్ రాచిరాజు, రాబోయే ఎన్నికలలో శృంగవరపుకోట టీడీపీ అభ్యర్థిగా ప్రచారంలో ఉన్న కృష్ణ గొంప తదితరులు పాల్గొన్నారు.
Updated Date - 2023-02-10T21:19:11+05:30 IST