USA: అమెరికా ప్రొఫెసర్ అకృత్యం.. షర్టులు విప్పండంటూ విద్యార్థినులపై వేధింపులు
ABN, First Publish Date - 2023-07-03T21:52:57+05:30
విద్యార్థులను సక్రమమార్గంలో పెట్టాల్సిన ఓ అమెరికా ప్రొఫెసర్ కట్టుతప్పాడు. షర్టులు విప్పాలంటూ విద్యార్థులపై వేధింపులకు పాల్పడ్డాడు. అతడి పాపం పండటంతో తాజాగా ఉద్యోగం పోగొట్టుకున్నాడు.
ఎన్నారై డెస్క్: విద్యార్థులను సక్రమమార్గంలో పెట్టాల్సిన ఓ ప్రొఫెసర్ కట్టుతప్పాడు. షర్టులు విప్పాలంటూ విద్యార్థులపై వేధింపులకు పాల్పడ్డాడు. అమెరికాలో ఈ దారుణం వెలుగులోకి వచ్చింది. 2019లో అతడీ అకృత్యాలకు దిగగా తాజాగా అతడిని అధికారులు విధుల నుంచి తప్పించారు.
మేరీల్యాండ్ రాష్ట్రానికి(Mary land) చెందిన ఓ ప్రొఫెసర్ వైద్యవిద్య భోధనలో భాగంగా ఈ పాడుపనికి దిగాడు. తరగతి గదిలో విద్యార్థినులు చొక్కాలు విప్పి నిలబడాలని ఆదేశించేవాడు(Professor forces female students to take off shirts). పాఠాలు చెప్పే క్రమంలో డెమాన్‌స్ట్రేషన్ పేరిట ఈ చర్యలకు పాల్పడ్డాడు. పరువు కాపాడుకునేందుకు విద్యార్థినులు ల్యాబ్ కోట్ ధరించేందుకు ప్రయత్నిస్తే వద్దని వారించేవాడు. పదుల సంఖ్యలో విద్యార్థినులు అతడి వేధింపులకు గురయ్యారు.
ఈ క్రమంలో ఇద్దరు విద్యార్థినులు ఫిర్యాదు చేయడంతో అతడి బాగోతం బయటపడింది. ఘటనపై సీరియస్ అయిన యాజమాన్యం అతడిని తక్షణం విధులకు దూరం చేసి, సెలవులపై పంపించింది. మరోవైపు, ఈ ఆరోపణలపై అక్కడి విద్యాశాఖ అధికారులు దర్యాప్తు ప్రారంభించారు. ఆఫీస్ ఆఫ్ సివిల్ రైట్స్ ఆధ్వర్యంలో జరిగిన దర్యాప్తులో ఆ ఫ్రొఫెసర్ నిందితుడిగా తేలడంతో అతడిని తాజాగా విధుల నుంచి తప్పించారు(Professor fired). అంతేకాకుండా, ప్రొఫెసర్ వేధింపులతో ఒత్తిడికి గురై పరీక్షల్లో తప్పిన స్టూడెంట్స్‌కు మళ్లి చదువుకునేందుకు కూడా కాలేజీ యాజమాన్యం అవకాశం కల్పించింది. ఇందుకు అయ్యే ఖర్చంతా భరించేందుకు ముందుకు వచ్చింది.
Updated Date - 2023-07-04T11:41:16+05:30 IST