Viral: ఎందుకిలా..? రైతు వీడియో చూసిన కన్‌ఫ్యూజన్‌లో ఆనంద్ మహీంద్రా ప్రశ్న! జరిగిందేంటంటే..
ABN, First Publish Date - 2023-11-17T20:10:16+05:30
ట్రాక్టర్‌కు రైతు చేసిన మార్పు చూసి ఆనంద్ మహీంద్రా ఆశ్చర్యం. ఎందుకిలా అంటూ ప్రశ్న
ఇంటర్నెట్ డెస్క్: ప్రముఖ పారిశ్రామికవేత్త ఆనంద్ మహీంద్రా నిత్యం సోషల్ మీడియాలో పలు విశేషాలను పంచుకుంటూ ఉంటారు. ఛలోక్తులు, హాస్యోక్తులు, స్ఫూర్తివంతమైన కథనాలు షేర్ చేస్తూ ఆయన యువతకూ బాగా దగ్గరయ్యారు. ఇంటరెస్టింగ్ విషయాలతో నెటిజన్లను ఆశ్చర్యపరిచే ఆనంద్ మహీంద్రా ఈమారు తానే స్వయంగా ఆశ్చర్యపోయారు. తన ట్రాక్టర్‌ను మార్చిన తీరు చూసి ఎందుకిలా? అంటూ ప్రశ్నించారు.
Viral: ఇబ్బందుల్లో ఉన్న పందికొక్కు.. చూసి తట్టుకోలేకపోయిన కాకి.. చివరకు.. నెట్టింట వీడియో వైరల్!
ఇటీవల కాలంలో కొందరు పాప్యులర్ వాహనాలకు తమకు నచ్చిన మార్పులు చేస్తూ నెట్టింట్లో వీడియోలు(viral Video) పెడుతున్న విషయం తెలిసిందే. కొందరు మారుతి కారును లగ్జరీ కారుగా మార్చేస్తే మరికొందరు టెస్లాలాంటి అత్యాధునిక కారుకు గుర్రం బండి చక్రాలు అమర్చి నెటిజన్లు ఆశ్చర్యపరిచారు. ప్రస్తుతం వైరల్ అవుతున్న వీడియోలో ఓ రైతు తన మహీంద్రా ట్రాక్టర్‌కున్న సీటు ఎత్తును అమాంతంగా నాలుగైదు అడుగుల పేర పెంచేశాడు. అంతేకాదు, బ్రేకులు, యాక్సెలరేటర్ ఎత్తును కూడా సీటు ఎత్తుకు అనుగుణంగా మర్చాడు(Seat height increased in Mahindra tractor).
Viral: డబ్బులు వెదజల్లిన ఏటీఎం.. షాకింగ్ వీడియో వైరల్
ఈ వీడియో నెట్టింట వైరల్ కావడంతో చివరకు ఆనంద్ మహీంద్రా దృష్టిలో కూడా పడింది. కాన్సెప్టు కొత్తగా ఉందని వ్యాఖ్యానించిన ఆయన, ఎందుకిలా? దీని వల్ల వచ్చే ప్రయోజనం ఏమిటి అని కూడా ప్రశ్నించారు. దీంతో, జనాలు దీనిపై పెద్ద ఎత్తున స్పందిస్తున్నారు. ఈ మధ్య నెట్టింట్లో జుగాడ్ వీడియోలు ఎక్కువైపోయాంటూ కామెంట్లు చేశారు. అయితే, ఆ రైతుకు కొబ్బరి తోటలు ఉండి ఉంటాయి. అందుకే ఇలాంటి మార్పులు చేశాడు అంటూ మరోవ్యక్తి కామెంట్ చేశారు. వైరల్ కావాలనే ఉద్దేశంతో జనాలు ఇలాంటివి చేస్తున్నారంటూ కొందరు అసలు విషయం చెప్పారు.
Updated Date - 2023-11-17T20:10:20+05:30 IST