Auto Race: ఈ ఐడియా ఎవరిదో కానీ.. వాళ్ల తెలివికి హ్యాట్సాఫ్ చెప్పాల్సిందే.. కార్లకు బదులుగా ఆటోలతో రేసింగ్..!
ABN, First Publish Date - 2023-11-08T16:25:28+05:30
బైక్ లు, కార్లతో రేసింగ్ జరగడం చూసి ఉంటారు. కానీ ఆటోలతో రేసింగ్ జరగడం ఎక్కడైనా చూశారా? ఈ వీడియో చూస్తే..
చిన్నప్పుడు స్నేహితులతో సరదాగా సైకిల్ పందెం వేసినవారు చాలామందే ఉంటారు. ఇప్పుడు అయితే చాలావరకు బైక్ లు, కార్లతో రేసింగ్ జరగడం చూసి ఉంటారు. కానీ ఆటోలతో రేసింగ్ జరగడం ఎక్కడైనా చూశారా? కనీసం ఆటోలతో రేసింగ్ జరుగుతుందని విన్నారా? ఎక్కడ ఎప్పుడూ ఇలా ఆటోలతో రేసింగ్ జరుగుతుందని విని ఉండరు. కానీ ఆటోలతో రేసింగ్ జరుగుతున్న వీడియో ఇప్పుడు సోషల్ మీడియాలో వైరల్ అవుతోంది. ఈ వీడియో చూసిన నెటిజన్లు ఈ ఐడియా ఎవరిదో కానీ సూపర్ అంటున్నారు. ఈ వీడియో గురించి పూర్తీ వివరాల్లోకి వెళితే..
కుర్రాళ్లు బైకులు, కార్ల రేసింగుల పట్ల చాలా ఆసక్తిగా ఉంటారు. చాలావరకు కార్లు, బైకుల రేసింగులలో పాల్గొనేవారు కాస్త ఆర్థికంగా బాగున్నవారే అయి ఉంటారు. కానీ ఆటోలు కష్టపడి పనిచేసే వారికే ఉంటాయి. ఆటో నడిపే కుటుంబాల ఆర్థిక పరిస్థితి కూడా అంతంతమాత్రంగానే ఉంటుంది. ఈ విషయాలన్నీ ఆలోచించారో ఏమో కానీ బైకులు, కార్ల సంగతి వదిలి ఆటోలతో రేసింగ్(Auto racing) నిర్వహించారు. వీడియోలో మూడు ఆటోలు వరుసగా నిలబడి ఉండటం చూడచ్చు. ఓ వ్యక్తి ఆటోల ముందు జెండా ఊపి రేసింగ్ ను ప్రారంభిస్తాడు. అనంతరం ఆటోలు వేగంగా దూసుకుపోతాయి. రౌండ్ గా ఉన్న ఆ ప్రాంగణంలో ఏ ఆటో అయితే రౌండ్ కౌట్టి మొదలుపెట్టిన చోటికి ముందుగా వచ్చి చేరుతుందో ఆ ఆటోను విజేతగా ప్రకటిస్తారు.
ఇది కూడా చదవండి: Woman: అమ్మ బాబోయ్.. ఈ మహిళ యవ్వారం మామూలుగా లేదుగా.. పోలీసు అధికారిపైనే కేసు పెట్టింది.. అసలు కథేంటంటే..!
ఈ వీడియోను The Reportify అనే ట్విట్టర్ ఎక్స్(Twitter X) అకౌంట్ నుండి షేర్ చేశారు. ఈ వీడియో చూసిన నెటిజన్లు దీని గురించి చాలా ఆసక్తి చూపిస్తున్నారు. 'ఈ రేసింగ్ ఎక్కడ జరుగుతోందో తెలిస్తే ఎవరైనా చెప్పండి. నేను ఈ రేసింగ్ చూడాలని అనుకుంటున్నాను' అని ఒకరు కామెంట్ చేశారు. 'కారులు, బైకుల కంటే ఈ రేసింగ్ చాలా బాగుంది' అని మరొకరు కామెంట్ చేశారు. 'ప్రతిరోజూ రోడ్డు మీద కష్టపడే ఆటోవాలాలు ఇలా సరదాగా రేసింగ్ లో పాల్గొనడం బాగుంది' అని ఇంకొకరు కామెంట్ చేశారు.
ఇది కూడా చదవండి: Shocking: టూత్‌పేస్ట్ అనుకుని.. నడుము నొప్పి తగ్గడానికి వాడే క్రీమ్‌తో బ్రష్ చేసిందో మహిళ.. చివరకు ఏమైందంటే..!
Updated Date - 2023-11-08T16:25:31+05:30 IST