Viral Video: రోడ్డు పక్కన ఓ షాపు ముందు పెట్టిన సీసీ కెమెరాలో షాకింగ్ దృశ్యం.. ఓ మహిళ స్కూటీపై వెళ్తోంటే..!
ABN, First Publish Date - 2023-07-24T19:30:09+05:30
స్కూటీపై వెళుతున్న తల్లీకొడుకులపై ఓ ఆంబోతు దాడికి సంబంధించిన వీడియో నెట్టింట వైరల్‌గా మారింది.
ఇంటర్నెట్ డెస్క్: స్కూటీపై వెళుతున్న తల్లీకొడుకులపై ఓ ఆంబోతు దాడికి సంబంధించిన వీడియో నెట్టింట వైరల్‌గా(Viral Video) మారింది. పలుమార్లు వారిని కుమ్మడంతో బాధితులు తీవ్రగాయాల పాలయ్యారు. ఢిల్లీలోని(New Delhi) గీతాకాలనీలో ఈ ఘటన జరిగింది. ఇందుకు సంబంధించిన దృశ్యాలు వైరల్‌గా మారాయి. తోలుత ఆ తల్లీకొడుకులు స్కూటీపై వెళుతుండగా ఆంబోతు డివైడర్ దాటుకుని వచ్చి వారికి అడ్డంగా నిలబడింది. దాన్ని తప్పించే క్రమంలో వారు స్కూటీని వెనకకు పోనిస్తుండగా ఆంబోతు వారివైపు తిరిగి అకస్మాత్తుగా దాడి ప్రారంభించింది(Bull attacks woman and child).
మొదట వారిని స్కూటీపై నుంచి పడదోసి ఆ తరువాతు మహిళపై పలుమార్లు దాడి చేసింది. ఆమె లేచిన ప్రతిసారీ దాడి చేసి కొమ్ములతో కిందకు తోసేసింది. చుట్టుపక్కల షాపు వారు ఆంబోతును పక్కకు తోలేందుకు ఎంతగా ప్రయత్నించినా కుదరలేదు. దాని దృష్టి మరల్చేందుకు కర్రలతో పాటు చేతికందిన వాటిని ఆంబోతుపై విసిరినా ఫలితం లేకపోయింది. ఆంబోతు పదే పదే మహిళను గాయపరుస్తుంటే వారికి ఏం చేయాలో బోధపడలేదు. ఆ తరువాత ఏం జరిగిందనేది వీడియోలో లేకపోయినప్పటికీ బాధితులకు తీవ్ర గాయాలైనట్టు సమచారాం.
Updated Date - 2023-07-24T19:33:48+05:30 IST