Chandrayaan-3: లక్ అంటే ఇదీ..విమానం కిటికీలోంచి చూస్తే కనిపించిన చంద్రయాన్-3.. ప్రయాణికులకు గూస్‌బంప్స్!
ABN, First Publish Date - 2023-07-16T18:11:43+05:30
ఇటీవల చెన్నై నుంచి ఢాకా వెళుతున్న విమానంలోని ప్రయాణికులకు అద్భుత అవకాశం దక్కింది. చంద్రుడివైపు దూసుకుపోతున్న చంద్రయాన్-3ని వారు విమానం కిటీకీల్లోంచి చూసి పులకించిపోయారు. ఈ వీడియో ప్రస్తుతం నెట్టింట వైరల్‌గా మారింది.
ఇంటర్నె్ డెస్క్: ప్రస్తుతం ఏ ఇద్దరు భారతీయులు కలిసినా అక్కడ చంద్రయాన్ గురించే చర్చ! చంద్రుడి రహస్యాలు ఛేదించేందుకు నిప్పులు చిమ్ముతూ చంద్రయాన్-3(Chandrayaan-3) నింగిలోకి ఎగసిన క్షణాన ప్రతి భారతీయుడి హృదయం సంతోషంతో నిండిపోయింది. అనేక మంది ఇప్పటికే ఈ దృశ్యాల్ని డీపీలుగా, వాట్సాప్ స్టేటస్‌లుగా పెట్టుకుని తమ సంబరాన్ని తెలియజేశారు. అయితే, చంద్రయాన్-3 నింగిలోకి ఎగసిన సమయంలోనే ఓ విమానంలో వెళుతున్న ప్రయాణికులకు మరో అద్భుతమైన దృశ్యం కనిపించింది. విమానం కిటికీల్లోంచి తొంగి చూసిన వారికి పక్క నుంచి చంద్రయాన్-3 వెళుతూ కనిపించింది. ఇందుకు సంబంధించిన వీడియో నెట్టింట్లో వైరల్‌గా(Viral Video) మారింది.
ఇవీ చదవండి: ఈ రైతు చేసిన పొరపాటును మీరెవ్వరూ చేయకండి.. సోషల్ మీడియాలో ప్రభుత్వ ఉన్నతాధికారి విజ్ఞప్తి..
చెన్నై నుంచి ఢాకా వెళుతున్న విమానంలోని ప్రయాణికులకు(Chennai-Dhaka flight passengers) ఈ అధ్భుత అవకాశం దక్కింది. ఆ విమానంలోని ప్రయాణికులకు పైలట్ ముందుగానే చంద్రయాన్-3 గురించి చెప్పారు. తాము వెళ్లే దారిలో చంద్రయాన్-3 కనిపిస్తుందని అన్నారు. గాల్లో దూసుకుపోతున్న చంద్రయాన్-3 కనిపించగానే ఆయన ప్రయాణికులను ఎలర్ట్ చేశారు. వారంతా విమానం కిటికీల్లోంచి చంద్రయాన్ చూస్తూ పులకించిపోయారు(flight passengers witness chandrayaan-3). కొందరు ఈ అరుదైన దృశ్యాన్ని వీడియోలో రికార్డు చేసి నెట్టింట్లో పెట్టడంతో వైరల్‌గా మారింది. ఇస్రోకు చెందిన డా.పీ.వీ వెంకటకృష్ణన్ ఈ వీడియోను షేర్ చేశారు.
ఇవీ చదవండి: ఇది మామూలు కోడి కాదు! పదుల సంఖ్యలో మొసళ్లు ఒక్కసారిగా ఎటాక్ చేస్తే..
ఈ దృశ్యాలు నెటిజన్లకు ఎంతగా నచ్చాయో ప్రత్యేకంగా చెప్పాల్సిన అవసరం లేదు. అంతరిక్షంలోకి దూసుకుపోతున్న చంద్రయాన్-3ని ఇలా చూసే అవకాశం దక్కడం నిజంగా అదృష్టమని నెటిజన్లు వ్యాఖ్యానిస్తున్నారు. వీడియో గూస్‌బంప్స్ తెప్పిస్తోందని అనేక మంది కామెంట్ చేశారు. నెట్టింట వైరల్‌గా మారిన ఈ వీడియోను మీరూ చూడండి!
ఇవీ చదవండి: నెమలితో పెట్టుకుంటే ఇంతే.. అది తనను చూడట్లేదు కదా అని ఈ యువతి చేసిన పని ఎంటో తెలిస్తే..
Updated Date - 2023-07-16T18:13:52+05:30 IST