Viral Video: ఒంటికాలితో ఓ స్టిక్ సాయంతో రోడ్డు దాటుతున్న బాలిక.. కాలినొప్పితో సడన్‌గా నడిరోడ్డుపై ఆగిపోయిన మరుక్షణమే షాకింగ్ సీన్..!
ABN, First Publish Date - 2023-05-02T15:59:31+05:30
ప్రతిరోజూ సోషల్ మీడియాలో వందల సంఖ్యలో వీడియోలు అప్‌లోడ్ అవుతుంటాయి. వాటిలో కొన్ని నవ్వు తెప్పిస్తే.. మరికొన్ని ఆలోచింపజేసివిగా ఉంటాయి. తాజాగా అలాంటి వీడియో ఒకటి సోషల్ మీడియాలో వైరల్ అవుతోంది
ప్రతిరోజూ సోషల్ మీడియాలో వందల సంఖ్యలో వీడియోలు అప్‌లోడ్ అవుతుంటాయి. వాటిలో కొన్ని నవ్వు తెప్పిస్తే.. మరికొన్ని ఆలోచింపజేసివిగా ఉంటాయి. తాజాగా అలాంటి వీడియో ఒకటి సోషల్ మీడియాలో వైరల్ (Viral Video) అవుతోంది. ఆ ఎమోషనల్ వీడియో చాలా మందిని ఆకట్టుకుంటోంది. వైరల్ అవుతున్న ఆ వీడియో ప్రకారం.. ఓ జంక్షన్ వద్ద రెడ్ సిగ్నల్ పడడంతో వాహనాలన్నీ ఆగి ఉన్నాయి.
ఆ సమయంలో చాలా మంది రోడ్డు దాటుతున్నారు. ఓ బాలిక కూడా రోడ్డు క్రాస్ (Road Crossing) చేస్తోంది. అయితే ఒక కాలికి కట్టు కట్టి ఉండడంతో ఆ బాలిక ఒక కాలితోనే కుంటుకుంటూ నడుస్తోంది. ఆమె రోడ్డు సగం దాటే సరికి గ్రీన్ సిగ్నల్ పడింది. ఆమెతో పాటు నడుస్తున్న వారు వేగంగా పరిగెత్తుకుంటూ రోడ్డు దాటేశారు. ఆ బాలిక మాత్రం రోడ్డు దాట లేకపోయింది. వాహనాలు ముందుకు వెళ్లేందుకు సిద్ధమవుతున్నాయి. ఇంతలో ఓ మహిళ ఆ బాలిక దగ్గరకు వచ్చి ఆదుకుంది.
Viral Video: అమ్మో.. ఆంటీ.. ఏమైనా టాలెంటా..? ఈ హోటల్‌ పేరును ఆమె ఏమని పలికిందో వింటే.. కడుపుబ్బా నవ్వడం ఖాయం..!
ఆ బాలికను వీపుపై ఎక్కించుకుంది. ఓ కారు ముందుకు వెళ్లేందుకు సిద్ధమవగా కాసేపు ఆగాలని సైగ చేసింది. ఆ వీడియో సోషల్ మీడియాలో వైరల్ అవుతోంది. ఈ వీడియోను ఇప్పటివరకు 47 లక్షల మంది వీక్షించారు. 69 వేల మంది లైక్ చేశారు. ఆ మహిళను మెచ్చుకుంటూ ఎంతో మంది ప్రశంసలు కురిపించారు.
Updated Date - 2023-05-02T15:59:31+05:30 IST