Viral Video: మీకు ఎప్పుడూ బూట్లనే వాడే అలవాటు ఉందా? అయితే జాగ్రత్త! ఐఎఫ్ఎస్ అధికారి షేర్ చేసిన వీడియోతో నెట్టింట గగ్గోలు!
ABN, First Publish Date - 2023-10-10T17:36:05+05:30
బూటులో పిల్లపాము దాక్కున్న వీడియో నెట్టింట్లో వైరల్‌గా మారింది. ఐఎఫ్ఎస్ అధికారి సుశాంత నంద ఈ వీడియోను షేర్ చేశారు. నెట్టింట్లో ప్రస్తుతం ఇది బాగా వైరల్ అవుతోంది.
ఇంటర్నెట్ డెస్క్: మనలో చాలా మంది షూస్ వాడేందుకు ఇష్టపడుతుంటారు. డ్రెస్‌కు తగినట్టుగా మంచి షూస్ వేసుకుంటే వచ్చే లుక్కే వేరు. అయితే, బూట్ల విషయంలో జాగ్రత్తగా ఉండకపోతే ఎలాంటి ప్రమాదాలు పొంచి ఉంటాయో చెప్పే వీడియో ఒకటి నెట్టింట వైరల్‌గా(Viral Video) మారింది. ప్రముఖ ఐఎఫ్ఎస్ అధికారి సుశాంతనందా ఈ వీడియోను నెట్టింట షేర్ చేశారు.
Viral: ఫోన్ చోరీ అయితే పోనీలే అనుకున్నాడు! మరో ఫోన్‌లో కొత్త సిమ్ కార్డు వేశాక భారీ షాక్..!
వీడియోలో కనిపించిన దాని ప్రకారం, షూస్‌లో ఓ చిన్న పాము దూరింది. వాటిని వేసుకునే సమయంలో అకస్మాత్తుగా బుసకొడుతూ బయటకు వచ్చింది(Snake Hiding in shoes). అది పిల్లపాము కావడంతో షూస్‌లో ఈజీగా దూరిపోయింది. పాము కూడా కొత్త బూట్లను ట్రై చేస్తోందేమో అంటూ ఆయన ఓ సరదా కామెంట్ చేశారు. ఆ వెంటనే షూస్ విషయంలో ఎంత జాగ్రత్తగా ఉండాలో చెప్పారు. ముఖ్యంగా వానాకాలంలో మరింత అప్రమత్తంగా ఉండాలని ఆయన హెచ్చరించారు.
Viral: స్నేహితుడికి రూ.2 వేలు బదిలీ చేశాక షాకింగ్ మెసేజ్.. అకౌంట్లో ఏకంగా రూ.753 కోట్లు జమ
కాగా, ఈ వీడియోపై నెటిజన్లు పెద్దఎత్తున స్పందిస్తున్నారు. తమకూ గతంలో ఇలాంటి ప్రమాదాలు ఎదురయ్యాయని కొందరు చెప్పుకొచ్చారు. బూట్లు వేసుకునే ముందు ఓసారి దులపాలని చిన్నప్పటి నుంచీ పెద్దలు చెబుతూనే ఉంటారని మరి కొందరు గుర్తు చేశారు. తరచూ బూట్లనే వారు మరింత జాగ్రత్తగా ఉండాలని చెప్పారు. అయితే, వానాకాలంలో పాములు, ఇతర క్రిమికీటకాల విషయంలో జాగ్రత్తగా ఉండాలని నిపుణులు చెబుతున్నారు. ముఖ్యంగా చిన్న చిన్న ప్రదేశాల్లో సులువుగా దాక్కోగలిగే పాములతో నిత్యం అప్రమత్తంగా ఉండాలని సూచిస్తున్నారు.
Viral: లాటరీ టిక్కెట్ ఏజెంట్‌కు ఊహించని సర్‌ప్రైజ్.. అన్నీ అమ్ముడుపోగా చివర్లో మిగిలిన ఒకే ఒక టిక్కెట్‌తో...
Updated Date - 2023-10-10T17:36:09+05:30 IST