అది పాక్‌లోని ఎర్రకోట.. దాని చరిత్ర ఎంతో ఆసక్తికరం.. ఇప్పుడది ఎందుకు పాడుబడిన స్థితికి చేరిందంటే..
ABN, First Publish Date - 2023-04-11T09:16:16+05:30
భారతదేశం(India)లో అనేక చారిత్రక కట్టడాలు ఉన్నాయి. ఢిల్లీలోని ఎర్రకోట(Red Fort) భారతదేశ చారిత్రక వారసత్వ సంపదలలో ఒకటిగా గుర్తింపుపొందింది.
భారతదేశం(India)లో అనేక చారిత్రక కట్టడాలు ఉన్నాయి. ఢిల్లీలోని ఎర్రకోట(Red Fort) భారతదేశ చారిత్రక వారసత్వ సంపదలలో ఒకటిగా గుర్తింపుపొందింది. ఈ కోటను ఐదవ మొఘల్ పాలకుడు షాజహాన్(Shah Jahan) నిర్మించాడు. మన పొరుగుదేశమైన పాకిస్తాన్(Pakistan)లోనూ ఒక ఎర్రకోట ఉందనే విషయం తెలిస్తే ఎవరికైనా ఆశ్చర్యం కలుగుతుంది.
ఇది ఇస్లామాబాద్‌(Islamabad)కు మూడు గంటల ప్రయాణ దూరంలో ఉన్న ముజఫరాబాద్(Muzaffarabad)లో ఉంది. ఈ కోటను ముజఫరాబాద్ కోట, రుట్టా కోట అని కూడా అంటారు. చక్ పాలకులు మొఘలుల నుండి తప్పించుకోవడానికి ఈ కోటను నిర్మించారు. కోట నిర్మాణం(construction) 1559లో ప్రారంభమైంది. అయితే 1587లో మొఘలులు దీనిని స్వాధీనం చేసుకున్నారు. ఆ తర్వాత కోట నిర్మాణ పనులు చాలా నెమ్మదిగా కొనసాగాయి. ఎలాగోలా ఈ కోట నిర్మాణం చివరకు 1646లో పూర్తయింది. ఆ సమయంలో బాంబే రాచరిక రాష్ట్రానికి చెందిన సుల్తాన్ ముజఫర్ ఖాన్(Sultan Muzaffar Khan) పాలన ఉంది.
ముజఫర్ ఖాన్ ముజఫరాబాద్‌లో స్థిరపడ్డాడు. 1846లో డోగ్రా రాజవంశానికి చెందిన మహారాజా గులాబ్ సింగ్(Gulab Singh) ఇక్కడ పరిపాలిస్తున్నప్పుడు, ఈ కోటను నిర్మించే పని తిరిగి ప్రారంభమైంది. 1926వ సంవత్సరం వరకు, డోగ్రా రాజవంశపు సైన్యం(Army of the Dogra dynasty) ఈ కోటను ఉపయోగించింది. ఆ తరువాత వారు దానిని విడిచిపెట్టారు. దీంతో ఈ కోట నిర్జనమైపోయింది. పాకిస్తాన్‌లోని ఈ కోటకు మూడు వైపులా నీలం నది ఉంటుంది. పాకిస్తాన్ ప్రభుత్వం(Government of Pakistan) ఈ కోట పరిరక్షణను నిర్లక్ష్యం చేసింది. ఫలితంగా ఈ ఎర్రకోట శిధిలావస్థకు చేరింది.
Updated Date - 2023-04-11T09:16:44+05:30 IST