Crime: బాబోయ్.. ఇలాంటి కూతురు ఎవరికీ ఉండకూడదు.. ప్రియుడి కోసం యువతి మాస్టర్ ప్లాన్.. తండ్రిని కారులో రమ్మని చెప్పి..
ABN, First Publish Date - 2023-08-12T13:12:06+05:30
ప్రేమలో పడితే ఇంకేమీ కనబడవు. కన్న తల్లిదండ్రులే శత్రువుల్లా కనిపిస్తారు. ప్రేమించిన వారి కోసం అవసరమైతే కన్నవారితోనే యుద్ధానికి సిద్ధమవుతారు. ఉన్నాదుల్లా మారిపోయి కన్నవారినే కడతేర్చడానికి సిద్ధమవుతారు. మహారాష్ట్రకు చెందిన ఓ యువతి తాజాగా అలాంటి ఘోరానికే పాల్పడింది.
ప్రేమ (Love)లో పడితే ఇంకేమీ కనబడవు. కన్న తల్లిదండ్రులే శత్రువుల్లా కనిపిస్తారు. ప్రేమించిన వారి కోసం అవసరమైతే కన్నవారితోనే యుద్ధానికి సిద్ధమవుతారు. ఉన్నాదుల్లా మారిపోయి కన్నవారినే కడతేర్చడానికి సిద్ధమవుతారు. మహారాష్ట్రకు చెందిన ఓ యువతి తాజాగా అలాంటి ఘోరానికే పాల్పడింది. కన్నతండ్రి (Father)నే చంపేందుకు మర్డర్ స్కెచ్ వేసింది. దాడిలో తీవ్రంగా గాయపడి రెండు కాళ్లూ పోగుట్టుకున్న యువతి తండ్రి ప్రాణాలతో బయటపడ్డాడు (Crime News).
మహారాష్ట్ర (Maharashtra)లోని షోలాపూర్ జిల్లాకు చెందిన మహేంద్ర షా అనే వ్యాపారవేత్తకు సాక్షి అనే కూతురు ఉంది. ఆమె కొన్ని రోజులుగా చైతన్య అనే యువకుడితో ప్రేమాయణం సాగిస్తోంది. తమ ప్రేమకు తండ్రీ అంగీకారం ఉండదని భావించిన సాక్షి.. ప్రియుడితో పారిపోయి పెళ్లి చేసుకోవాలనుకుంది. అయితే తను వెళ్లి పెళ్లి చేసుకుంటే తండ్రి పగ పెంచుకుంటాడని, భవిష్యత్తులో తమకు ప్రమాదం తప్పదని భావించింది. అందుకే తండ్రినే చంపేస్తే తాము హ్యాపీగా ఉండొచ్చని పథకం రచించింది. ఆదివారం ఉదయం పుణె వెళ్లిన సాక్షి రాత్రికి తిరిగి వచ్చింది. తనను ఇంటికి తీసుకెళ్లడానికి కారు తీసుకురావాలని తండ్రిని కోరింది.
Viral Video: ఈ వీడియో చూస్తే కన్నీళ్లు రాకమానవు.. మొసలి బారి నుంచి బిడ్డను కాపాడేందుకు ప్రాణత్యాగం.. వీడియో వైరల్!
బస్ స్టేషన్‌కు వెళ్లిన మహేంద్ర కూతురిని పికప్ చేసుకున్నాడు. ఇంటికి వెళ్తుండగా మార్గమధ్యంలో వడచివాడి గ్రామం దగ్గర కారు ఆపమంది. మహేంద్ర కారు ఆపగానే నలుగురు యువకులు రెండు బైక్‌లపై వచ్చి చుట్టుముట్టారు. కర్రలు, రాడ్‌లతో మహేంద్రపై దాడికి దిగారు. అతడి రెండు కాళ్లూ విరిచేశారు. మహేంద్ర గట్టిగా అరవడంతో నిందితులు భయపడి పారిపోయారు. మహేంద్ర అరుపులు విన్న స్థానికులు ఘటనా స్థలానికి చేరుకుని ఆస్పత్రికి తరలించారు. పోలీసులకు ఫిర్యాదు చేశారు. దాడిలో సాక్షి, అమె ప్రియుడి హస్తం ఉన్నట్టు పోలీసులు తెలుసుకున్నారు. దాడికి పాల్పడిన నలుగురు నిందితులతో పాటు సాక్షిని, ఆమె ప్రియుడిని కూడా అరెస్ట్ చేశారు.
Updated Date - 2023-08-12T13:12:06+05:30 IST