Viral: ఆటోలో వెళ్తూ ఫోన్ మాట్లాడుతోంటే.. సడన్‌గా బైక్‌పై ఇద్దరు కుర్రాళ్ల ఎంట్రీ.. కళ్లు తెరచి చూసే లోపే షాకింగ్ సీన్..!
ABN, First Publish Date - 2023-09-16T16:54:15+05:30
ఇటీవలి కాలంలో మొబైల్ దొంగతనాలు బాగా పెరిగిపోయాయి. రోడ్డు మీద మొబైల్ మాట్లాడుకుంటూ నడుచుకుంటూ వెళ్తున్న వారిని టార్గెట్ చేస్తున్న దొంగలు బైక్‌పై వేగంగా వచ్చి మొబైల్ లాక్కొని పారిపోతున్నారు. అలాంటి వారిని పట్టుకోవడం చాలా కష్టం. అయితే ఢిల్లీకి చెందిన ఓ మహిళ అలా ఊరుకోలేదు.
ఇటీవలి కాలంలో మొబైల్ దొంగతనాలు (Mobile Snatching) బాగా పెరిగిపోయాయి. రోడ్డు మీద మొబైల్ మాట్లాడుకుంటూ నడుచుకుంటూ వెళ్తున్న వారిని టార్గెట్ చేస్తున్న దొంగలు బైక్‌పై వేగంగా వచ్చి మొబైల్ లాక్కొని పారిపోతున్నారు (Mobile Thefts). అలాంటి వారిని పట్టుకోవడం చాలా కష్టం. అయితే ఢిల్లీకి (New Delhi) చెందిన ఓ మహిళ అలా ఊరుకోలేదు. తన ఫోన్ లాక్కుని బైక్ మీద వెళ్లిపోతున్న ఇద్దరు దొంగలను రెండు కిలోమీటర్ల దూరం వెంబడించి మరీ పట్టుకుంది. వారిని పోలీసులకు అప్పగించింది (Crime News).
ఢిల్లీలో పని చేస్తున్న ఓ 33 ఏళ్ల మహిళ ఈ నెల 2వ తేదీ రాత్రి సమయంలో తన ఇంటికి వెళ్లేందుకు బయల్దేరింది. తన గ్రామానికి వెళ్లే బస్సు ఎక్కేందుకు బస్టాండ్‌కు వెళ్లింది. అంతలో ఇద్దరు యువకులు అక్కడకు బైక్‌పై వేగంగా వచ్చి ఆమె చేతిలోని మొబైల్ లాక్కుని పారిపోయారు. ఆమె వెంటనే స్పందించి అక్కడే ఉన్న ఆటో డ్రైవర్‌ను అలెర్ట్ చేసి ఆటో ఎక్కింది. ఆ బైక్‌ను దాదాపు రెండు కిలోమీటర్ల దూరం వరకు వెంబడించింది. అదే మార్గంలో పెట్రోలింగ్ నిర్వహిస్తున్న పోలీసులను కూడా అలర్ట్ చేసింది.
Bengaluru Woman: అద్దె ఇంటికోసం ఆ మహిళ వెతుకుతోంటే మధ్యలో ఈ ట్విస్ట్ ఏంటీ..? ఓ వ్యక్తి నుంచి వింత ప్రపోజల్..!
ఆటో, పోలీసులు తమను ఛేజ్ చేస్తున్నాయనే కంగారులో ఆ యువకులు తడబడ్డారు. బైక్ జారిపోవడంతో వెనుక కూర్చున్న యువకుడు కింద పడిపోయాడు. ఆ యువకుడిని పట్టుకున్న మహిళ పోలీసులకు అప్పగించింది. అతడి నుంచి తన మొబైల్‌ను తీసుకుంది. ఆ కుర్రాడిని పట్టుకున్న పోలీసులు తాజాగా రెండో యువకుడిని కూడా అరెస్ట్ చేశారు. వారిద్దరినీ రిమాండ్‌కు తరలించారు.
Updated Date - 2023-09-16T16:54:15+05:30 IST