Viral Video: అందం చూసి మైమరిపోయాడు.. రన్నరప్ మెడలో గోల్డ్ మెడల్ వేశాడు.. తర్వాత చూసుకుంటే..
ABN, First Publish Date - 2023-05-10T15:49:12+05:30
సాధారణంగా ఏ క్రీడా పోటీల్లోనైనా ప్రథమ విజేతను బంగారు పతకంతో సత్కరిస్తారు. మొదటి రన్నరప్, రెండో రన్నరప్‌లకు రజత, కాంస్య పతకాలను అందజేస్తారు. అయితే తాజాగా వైరల్ అవుతున్న వీడియోలో రెండో రన్నరప్‌ను బంగారు పతకంతో సత్కరించారు.
సాధారణంగా ఏ క్రీడా పోటీల్లోనైనా ప్రథమ విజేతను బంగారు పతకంతో (Gold Medal) సత్కరిస్తారు. మొదటి రన్నరప్, రెండో రన్నరప్‌లకు రజత, కాంస్య పతకాలను అందజేస్తారు. అయితే తాజాగా వైరల్ అవుతున్న వీడియోలో (Viral Video) రెండో రన్నరప్‌ను బంగారు పతకంతో సత్కరించారు (Runner-up girl honoured with gold medal). తీరా విషయం తెలుసుకున్న తర్వాత అందరూ షాకయ్యారు. ఈ వీడియో చూస్తే నవ్వకుండా ఉండలేము. ఈ వీడియో నెట్టింట హల్‌చల్ చేస్తోంది.
వైరల్ అవుతున్న వీడియోలో.. పోటీలో మొదటి మూడు స్థానాల్లో నిలిచిన విజేతలు పోడియంపై నిలబడి ఉన్నారు. ఆ తర్వాత ప్రెజెంటర్ గోల్డ్ మెడల్‌తో విజేతలు ఉన్న పోడియం వద్దకు వచ్చాడు. అయితే, విజేతకు బదులుగా, రెండో రన్నరప్‌కి వద్దకు వెళ్లి పతకాన్ని ఆమె మెడలో వేశాడు. ఆ తర్వాత ఆమెను ఆప్యాయంగా కౌగిలించుకుని, ముద్దు కూడా పెట్టి వెళ్లిపోయాడు. ఆ యువతి కూడా తన మెడలో వేసింది బంగారు పతకం అని గుర్తించలేదు. పక్కన ఉన్న ఇద్దరు యువతులు జరిగిన పొరపాటును గుర్తించి చెప్పారు.
Viral Video: పోయిందనుకున్న బైక్‌ను పెట్రోల్ బంకులో చూసి కారులో నుంచి దిగిన వ్యక్తి.. తర్వాత ఏం జరిగిందంటే..
షాకైన రెండో రన్నరప్ వెంటనే తన మెడలోని గోల్డ్ మెడల్‌ను తీసి విన్నర్ మెడలో వేసేసింది. ఆ సమయంలో విజేతలు ముగ్గురూ విపరీతంగా నవ్వుకున్నారు. ఈ వీడియో సోషల్ మీడియాలో వైరల్ అవుతోంది. 6 లక్షలకు పైగా వ్యూస్ సాధించింది. ఈ వీడియోపై నెటిజన్లు తమదైన శైలిలో స్పందిస్తున్నారు. ``అతడి హృదయాన్ని గెలుచుకున్న వారికే గోల్డ్ మెడల్ ఇచ్చాడు``, ``యువతి అందాన్ని చూసి మైమరచిపోయాడు. కనీసం కొన్ని క్షణాలైనా గోల్డ్ మెడల్ పొందిన అనుభూతిని కలిగించాడ``ని కామెంట్లు చేస్తున్నారు.
Updated Date - 2023-05-10T15:49:12+05:30 IST