Sanjay Leela Bhansali: టాస్క్ మాస్టర్ అనడానికి కారణమిదే
ABN, First Publish Date - 2023-02-19T15:12:04+05:30
బాలీవుడ్‌లోని ఫేమస్ డైరెక్టర్స్‌లో సంజయ్ లీలా భన్సాలీ (Sanjay Leela Bhansali) ఒకరు. భారీ స్థాయి సినిమాలకు కేరాఫ్ అడ్రస్‌గా నిలిచారు. ‘దేవదాస్’, ‘పద్మావత్’, ‘బాజీరావ్ మస్తానీ’ వంటి బ్లాక్ బాస్టర్ చిత్రాలను ప్రేక్షకులను అందించారు.
బాలీవుడ్‌లోని ఫేమస్ డైరెక్టర్స్‌లో సంజయ్ లీలా భన్సాలీ (Sanjay Leela Bhansali) ఒకరు. భారీ స్థాయి సినిమాలకు కేరాఫ్ అడ్రస్‌గా నిలిచారు. ‘దేవదాస్’, ‘పద్మావత్’, ‘బాజీరావ్ మస్తానీ’ వంటి బ్లాక్ బాస్టర్ చిత్రాలను ప్రేక్షకులను అందించారు. తాజాగా ఆయన ఓటీటీలోకి ఎంట్రీ ఇస్తున్నారు. ‘హీరామండి’ (Heeramandi) వెబ్‌సిరీస్‌కు దర్శకత్వం వహిస్తున్నారు. ఈ సిరీస్ టీజర్‌ను తాజాగా విడుదల చేశారు. టీజర్ విడుదల కార్యక్రమంలో సంజయ్ లీలా భన్సాలీ మాట్లాడారు. తనపై వస్తున్న ఆరోపణలపై స్పందించారు.
సంజయ్ లీలా భన్సాలీతో పనిచేయడం కష్టమని గతంలో అనేక సార్లు రూమర్స్ హల్‌చల్ చేశాయి. ఈ వదంతులపై సంజయ్ స్పందించారు. ‘‘నేను టాస్క్ మాస్టర్‌ను కాను. నాతో పనిచేయడం కష్టమని మీడియా వార్తలు రాసింది. అదంతా అబద్ధం. నేను నటీ, నటులతో కూర్చుంటాను. ఏదైనా అంశం చర్చకు వస్తుందేమోనని ప్రయత్నిస్తాను. ఆ సమయంలో నేను నా మనస్సుతో, ఇతరులు వారి మనస్సుతో ఆలోచిస్తారు. అందరం కలసి ఏకాభిప్రాయనికి వస్తే వెండితెర మీద మ్యాజిక్ ఆవిష్కృతమవుతుంది. నేను మ్యాజిక్‌ను క్రియేట్ చేశానంటూ అందరు నాకు క్రెడిట్ ఇస్తారు. కానీ, నిజం ఏంటంటే అందరు కలసి కృషి చేస్తేనే అద్భుతం జరుగుతుంది. ఇలాంటి అద్భుతాలు చాలా కష్టపడితేనే వస్తాయి. ఆ క్షణం వచ్చే వరకు నటీ, నటులను కార్ వ్యాన్‌లోకి వెళ్లనివ్వను. అందువల్లే నన్ను అందరు టాస్క్ మాస్టర్ అని పిలుస్తారు’’ అని సంజయ్ లీలా భన్సాలీ తెలిపారు.
‘హీరామండి’ లో మనీషా కొయిరాలా, అదితి రావ్ హైదరీ, సోనాక్షి సిన్హా, రిచా చద్దా, షర్మిన్ సెగల్, సంజీదా షేక్ తదితరులు కీలక పాత్రలు పోషించారు. నెట్‌ఫ్లిక్స్ కోసం ఆయన ఈ వెబ్‌సిరీస్‌ను రూపొందిస్తున్నారు.
Updated Date - 2023-02-19T15:12:06+05:30 IST