Viral: ఇలాంటి యాక్సిడెంట్ మానవచరిత్రలో ముందెన్నడూ జరగలేదట.. వైరల్ వీడియో..
ABN, First Publish Date - 2023-08-13T18:50:46+05:30
వాహనదారులను కింద పడేసి పారిపోయిన స్కూటర్ వీడియో ప్రస్తుతం నెట్టింట్లో వైరల్‌గా మారింది. స్కూటర్ తీరు చూస్తే గుర్రం రౌతును కిందపడేసి పారిపోయినట్టు ఉందంటూ నెటిజన్లు కామెంట్లు పెడుతున్నారు.
ఇంటర్నెట్ డెస్క్: గుర్రపు స్వారీ చేస్తున్నప్పుడు ఒక్కోసారి అవి మనుషుల్ని కిందపడేసి తమదారిన తాము వెళ్లిపోవడం మనందరం ఎప్పుడో ఒకప్పుడు చూసే ఉంటాం. ప్రస్తుతం నెట్టింట్లో వైరల్ అవుతున్న ఓ నవ్వుపుట్టించే యాక్సిడెంట్(Funny Accident) తాలూకు వీడియో చూసిన నెటిజన్లు సరిగ్గా ఇదే కామెంట్ చేస్తున్నారు. యాక్సిండెంట్ జరగబోతోందని తెలిసే ఆ స్కూటర్ కుటుంబాన్ని కిందపడేసి వెళ్లిపోయిందని కామెంట్ చేస్తున్నారు.
ఈ యాక్సిడెంట్ ఎక్కడ జరిగిందో తెలీదు కానీ, హస్నా జరూరీ హై అనే ట్విట్టర్ అకౌంట్‌లో తొలిసారిగా ఈ వీడియో బయటపడింది. వీడియోలో కనిపించిన దాని ప్రకారం, ఓ వ్యక్తి భార్యాపిల్లలతో కలిసి చిన్న స్కూటర్ మీద వెళుతుండగా రోడ్డు పక్కన ఆగి ఉన్న కారు అకస్మాత్తుగా మలుపు తీసుకుంటుంది. దాన్ని తప్పించేందుకు స్కూటర్ నడుపుతున్న వ్యక్తి సడెన్ బ్రేకు వేశాడు. దీంతో, వెనుక టైరు గాల్లోకి లేవడంతో స్కూటర్ ముందు టైరు మీదే కొంత దూరం వెళ్లి కారును ఢీకొట్టకుండానే ఆగిపోతుంది. ఈ క్రమంలో స్కూటర్ మీదున్న వాళ్లు కిందపడిపోయారు(Scooter throws off riders)
స్కూటర్ కారును ఢీకొట్టకపోవడం, ఆ కుటుంబానికి ఎలాంటి దెబ్బలు తగలకపోవడంతో అక్కడున్న వారు సంతోషిస్తారు. కానీ ఇంతలోనే మరో ఊహించని సీన్ చోటుచేసుకుంటుంది. కిందపడ్డ స్కూటర్‌ను ఆ వ్యక్తి పైకిలేపే క్రమంలో పొరపాటున యాక్సెలరేటర్‌పై చేయి వేయడంతో స్కూటర్ ముందుకు దూసుకుపోయింది. స్కూటర్‌ను ఆపేందుకు కొంత దూరం దాని వెంటనే పరిగెత్తిన ఆ వ్యక్తి దాన్ని అందుకోలేక వెనకబడిపోయాడు. ముందుకు దూసుకుపోతున్న దాన్ని అలా చూస్తూ నిలబడిపోయాడు. ఇదంతా(Viral Video) చూసిన నెటిజన్లు కడుపుబ్బా నవ్వుకుంటున్నారు. గుర్రం రౌతును కింద పడేసి పారిపోయనట్టు ఈ స్కూటర్ కూడా ఆ కుటుంబాన్ని రోడ్డు మీద వదిలేసి వెళ్లిపోయిందంటూ కొందరు నెటిజన్లు సరదా కామెంట్లు చేస్తున్నారు.
Updated Date - 2023-08-13T18:50:49+05:30 IST