Raveena Tandon: సినీ ఇండస్ట్రీకి ఎంట్రీ ఇస్తున్న హీరోయిన్ కూతురు
ABN, First Publish Date - 2023-01-21T16:11:46+05:30
ప్రతి ఏడాది ఇండస్ట్రీకి ఎంతో మంది ఎంట్రీ ఇస్తుంటారు. స్టార్ హీరో, హీరోయిన్స్ పిల్లలు కూడా ఈ లిస్ట్‌లో ఉంటారు. తమ తల్లిదండ్రుల బాటలోనే ప్రయాణిస్తూ సినిమాలను వీరు కెరీర్‌గా ఎంచుకుంటున్నారు.
ప్రతి ఏడాది ఇండస్ట్రీకి ఎంతో మంది ఎంట్రీ ఇస్తుంటారు. స్టార్ హీరో, హీరోయిన్స్ పిల్లలు కూడా ఈ లిస్ట్‌లో ఉంటారు. తమ తల్లిదండ్రుల బాటలోనే ప్రయాణిస్తూ సినిమాలను వీరు కెరీర్‌గా ఎంచుకుంటున్నారు. స్టార్ హీరోయిన్ కుమార్తె ఒకరు తాజాగా ఇండస్ట్రీకి ఎంట్రీ ఇవ్వడానికి సిద్ధమైంది. డైరెక్టర్ కూడా ఇప్పటికే ఫిక్స్ అయినట్టు బాలీవుడ్ మీడియా తెలుపుతోంది.
పలు భాషలకు చెందిన చిత్రాల్లో నటించి ఫేమ్ సంపాదించుకున్న నటి రవీనా టండన్ (Raveena Tandon). ఆమె కుమార్తె రాషా టండన్ (Rasha Tandon) త్వరలోనే ఇండస్ట్రీకి ఎంట్రీ ఇవ్వనుంది. ఇప్పటికే కాంట్రాక్ట్‌పై సంతకం చేసినట్టు గుసగుసలు వినిపిస్తున్నాయి. ఈ మూవీ షూటింగ్ వేసవిలో ప్రారంభం కానుందని తెలుస్తోంది. ఈ చిత్రానికి అభిషేక్ కపూర్ దర్శకత్వం వహించనున్నాడు. ఈ ప్రాజెక్టుతోనే అజయ్ దేవగణ్ (Ajay Devgn) మేనల్లుడు ఆమన్ దేవగణ్ (Aaman Devgan) వెండితెర పైకి రంగప్రవేశం చేయనున్నాడు. అజయ్ దేవగణ్ ఈ సినిమాలో ఓ కీలక పాత్ర పోషిస్తుండటం మరొక చెప్పుకోదగ్గ విశేషం. అభిషేక్ చివరగా ‘చంఢీగడ్ కరే ఆషికి’ (Chandigarh Kare Aashiqui) ని తెరకెక్కించాడు. ఈ సినిమాలో ఆయుష్మాన్ ఖురానా, వాణీ కపూర్ కీలక పాత్రలు పోషించారు. సరికొత్త కథాంశంతో రూపొందిన ఈ మూవీ బాక్సాఫీస్ వద్ద పరాజయం పాలైనప్పటికీ విమర్శకుల ప్రశంసలు మాత్రం దక్కించుకుంది.
Updated Date - 2023-01-21T16:18:25+05:30 IST