Viral Video: పోయిందనుకున్న బైక్‌ను పెట్రోల్ బంకులో చూసి కారులో నుంచి దిగిన వ్యక్తి.. తర్వాత ఏం జరిగిందంటే..
ABN, First Publish Date - 2023-05-10T15:20:57+05:30
మనదేశంలో వాహనాల చోరీలకు సంబంధించిన ఎన్నో కేసులు పోలీస్ స్టేషన్లలో పెండింగ్‌లో ఉంటాయి. ముఖ్యంగా బైక్ దొంగతనాలకు సంబంధించిన కేసులైతే వేల సంఖ్యలో ఉంటాయి. బైక్ దొంగలను పట్టుకోవడం పోలీసులకు కూడా సాధ్యం కాదు.
మనదేశంలో వాహనాల చోరీలకు సంబంధించిన ఎన్నో కేసులు పోలీస్ స్టేషన్లలో పెండింగ్‌లో ఉంటాయి. ముఖ్యంగా బైక్ దొంగతనాలకు (Bike Theft) సంబంధించిన కేసులైతే వేల సంఖ్యలో ఉంటాయి. బైక్ దొంగలను పట్టుకోవడం పోలీసులకు కూడా సాధ్యం కాదు. బైక్ పోయిందంటే పోలీసులకు ఫిర్యాదు చేసినా దొరుకుతుందనే నమ్మకం లేదు. అయితే కేరళకు (Kerala) చెందిన ఓ వ్యక్తి పోగొట్టుకున్న బైక్ అనూహ్యంగా దొరికింది. ఆ వీడియో సోషల్ మీడియాలో వైరల్ (Viral Video) అవుతోంది.
కేరళలోని కోజికోడ్ జిల్లా కదలుండి గ్రామానికి చెందిన ప్రవీణ్ అనే వ్యక్తి బైక్ గత శనివారం కోజికోడ్ నగరంలో చోరీకి గురైంది. మరుసటి రోజు, ప్రవీణ్ దొంగతనం గురించి ఫిర్యాదు చేయడానికి సమీపంలోని పోలీసు స్టేషన్‌కు వెళ్లాడు. పోయిన బైక్‌కు సంబంధించిన ఒరిజినల్ డాక్యుమెంట్లు కావాలని పోలీసులు అడిగారు. వాటిని తీసుకొచ్చేందుకు ప్రవీణ్ తన స్నేహితులతో కలిసి ఇంటికి వెళ్లాడు. తిరిగి వస్తుండగా కారులో పెట్రోల్ కొట్టించుకునేందుకని బంకులోకి వెళ్లారు.
Viral Video: స్నేహితుడితో రొమాన్స్ సాగిస్తూ భర్తకు దొరికిపోయిన భార్య.. వారిద్దరూ ఏం మాట్లాడుకున్నారంటే.. వైరల్ అవుతున్న వీడియో
ఆ సమయంలో కారు ముందు నుంచే ఇద్దరు వ్యక్తులు బైక్‌పై వెళుతున్నారు. తీరా చూస్తే ఆ బైక్ ప్రవీణ్‌దే. బైక్ దొంగ బంకులో పెట్రోల్ పోయించుకుంటుండగా వెనుకగా కారు ఆపి ప్రవీణ్, అతడి స్నేహితులు బైక్‌ను చుట్టుముట్టారు. విషయం గ్రహించిన దొంగ వెంటనే బైక్ దిగి పారిపోయాడు. వెనుక కూర్చున్న దొంగ స్నేహితుడు మాత్రం దొరికిపోయాడు. ఈ ఘటన మొత్తం పెట్రోల్ బంకులో అమర్చిన సీసీటీవీ కెమేరాలో రికార్డు అయింది. ఆ వీడియో సోషల్ మీడియాలో వైరల్ అవుతోంది.
Updated Date - 2023-05-10T15:20:57+05:30 IST