జాగా అమ్మి తెచ్చుకున్న డబ్బు పోయిందనుకున్న వ్యక్తికి ఊహించని అనుభవం.. దొంగలు ఏం చేశారు తెలిస్తే..
ABN, First Publish Date - 2023-04-09T21:42:42+05:30
జాగా అమ్మగా వచ్చిన డబ్బును ఇంట్లో దాచిన వ్యక్తి.. డబ్బంతా దొంగలు ఎత్తుకుపోయారనుకుంటే..
ఇంటర్నె్ట్ డెస్క్: జాగా అమ్మగా వచ్చిన డబ్బును ఇంట్లో పెట్టాడో వ్యక్తి. ఆ మరుసటి రోజు డబ్బంతా మాయమైంది. దీంతో.. కంగారు పడుతూ ఆ వ్యక్తి పోలీస్ కంప్లైంటి ఇచ్చాడు. ఆ తరువాతి రోజే డబ్బంతా ఇంటి పెరట్లో కనిపించడంతో అంతా షాకైపోయారు. చత్తీస్‌ఘడ్‌లోని బిలాస్‌పూర్‌లో జరిగిందీ ఘటన. పూర్తి వివరాల్లోకి వెళితే.. బిల్హా ప్రాంతానికి చెందిన షోభారామ్ ఖొసాలే మార్చి 27న తన జాగా అమ్ముకున్నాడు. అవతలి వ్యక్తి కొంత మొత్తాన్ని చెక్ కింద మిగతా మొత్తాన్ని క్యాష్ కింద ఇచ్చారు. ఈ క్రమంలో అతడు 95 వేల రూపాయలను ఇంట్లో దాటిపెట్టాడు. కానీ ఆ మరుసటి రోజునే అతడికి ఊహించని షాక్ తగిలింది. ఇంట్లో దాచిపెట్టిన డబ్బు కనబడకపోవడంతో దిమ్మెరపోయాడు. చివరకు పోలీసులను ఆశ్రయించాడు.
షోభారాం ఫిర్యాదు మేరకు రంగంలోకి దిగిన పోలీసులు దర్యాప్తు ప్రారంభించారు. అయితే.. ఇన్వెస్టిగేషన్ ప్రారంభమైన మరుసటి రోజే మరో ఊహించని ఘటన జరిగింది. అతడు పోగొట్టుకున్న సోమ్ము మొత్తం ఇంటి పెరట్లో యథాతథంగా కనిపించింది. అతడి సొమ్మంతా చివరి రూపాయితో సహా తిరిగి రావడంతో ఆశ్చర్యపోవడం అతడి వంతైంది.
దొరికిపోతామనే భయంతోనే దొంగలు సొమ్మును తిరిగి ఇచ్చేసి ఉంటారని పోలీసులు భావిస్తున్నారు. అయినా కూడా వారిని విడిచిపెట్టబోమని స్పస్టం చేశారు. దొంగలు ఆచూకీ పట్టుకునేందుకు విస్తృతంగా గాలింపు చేపట్టారు.
Updated Date - 2023-04-09T21:46:52+05:30 IST