Viral Video: తలుపు తీయండ్రా బాబూ.. బయట ఎండలు మండిపోతున్నాయ్.. ఈ పిల్లి చేసిన పని చూసి ఫన్నీ కామెంట్లతో నెటిజన్ల సెటైర్లు..!
ABN, First Publish Date - 2023-04-25T21:03:27+05:30
నెట్టింట పిల్లి వీడియో వైరల్.. తలుపులు మూసి ఉండటంతో..
ఇంటర్నెట్ డెస్క్: పిల్లులు మహా తెలివిగలవి అని అనడంలో ఎటువంటి సందేహం లేదు. తమకు కావాల్సినవి ఎలా సంపాదించుకోవాలో వాటికి చాలా బాగా తెలుసు. ఇక ఇళ్లల్లో పెంచుకునే పిల్లులకైతే ఇంట్లో వాళ్లపై కొంత అవగాహన ఉంటోంది. వాళ్ల నుంచి తమకు కవాల్సినవి అవి రకరకాల ప్రయత్నాలతో తీసుకోగలవు. అలాంటి ఓ పిల్లి వీడియో ప్రస్తుతం నెట్టింట్ వైరల్(Viral video) అవుతోంది. పిల్లి తెలివితేటలు చూసి నెటిజన్లు అవాక్కవుతున్నారు.
వీడియోలో కనిపించిన దాని ప్రకారం..ఓ పిల్లి ఓ ఇంటి వద్దకు వస్తుంది. అయితే..ఇంటి తలుపులు మూసి ఉంటాయి. ఇది చూసిన పిల్లి ఆశ్చర్యకరంగా వెనుక రెండు కాళ్లతో పైకి నిలబడి గడియ కొట్టుతుంది(Cat Knocks On The Door). రెండు మూడు సార్లు ఇలాగే ప్రయత్నిస్తుంది. అయినా తలుపు తెరుచుకోకపోవడంతో నిరాసపడుతుంది. ఇందుకు సంబంధించిన వీడియో నెట్టింట వైరల్‌గా మారింది.
వీడియోను చూసిన నెటిజన్లు కామెంట్లతో రెచ్చిపోయారు. మరికొందరేమో పిల్లి కష్టం చూసి చెలించిపోయారు. తలుపు తీయండ్రా బాబూ..బయట ఎండలు మండిపోతున్నాయి.. అంటూ పిల్లి మొత్తుకుంటున్నట్టు కొందరు తెలిపారు. అయితే.. తలుపులు కొడితే తెరుచుకుంటాయన్న విషయం పిల్లికి అర్థమైందని కూడా కొందరు కామెంట్ చేశారు. నెట్టింట్ విపరీతంగా వైరల్ అవుతున్న ఈ వీడియోను మీరూ చూసేయండి.
Updated Date - 2023-04-25T21:07:19+05:30 IST