Viral Video: ఏం తెలివిరా నాయనా..? హ్యాండ్ లాక్ వేసి ఉన్నా సరే.. తాళం లేకుండానే బైక్‌ను ఎలా స్టార్ట్ చేశాడో మీరే చూడండి..!
ABN, First Publish Date - 2023-07-17T15:26:10+05:30
తాళం వేసి ఉన్న బండిని ఓ దొంగ సునాయసంగా స్టార్ట్ చేసిన వీడియో ప్రస్తుతం నెట్టింట వైరల్‌గా మారింది. అతడి నైపుణ్యాలను చూసి జనాలు షాకైపోతున్నారు. ఇలాంటి మా నగరంలో ఉంటే వందల సంఖ్యలై బైక్స్ చోరీ కావడం పక్కా అంటూ కామెంట్ చేస్తున్నారు. మరికొందరేమో దొంగ టాలెంట్ చూసి మురిసిపోతున్నారు.
ఇంటర్నెట్ డెస్క్: మామూలుగా దొంగలను చూస్తే కోపం నషాళానికి అంటుంది. కష్టపడి సంపాదించిన సొమ్మును, ఆస్తులను దోచుకుంటారంటూ వాళ్లపై అగ్గిమీద గుగ్గిలమైపోతాయం. కానీ, ఓ దొంగను చూసి జనాలు మురిసిపోతున్నారు. దారి తప్పి దొంగ అయ్యాడు కానీ లేకపోతే లైఫ్‌లో ఎక్కడో ఉండేవాడంటూ కొందరు విచారం వ్యక్తం చేస్తున్నారు. ఓ దొంగపై ఇలాంటి అభిప్రాయం కలిగిందంటే అతడి టాలెంట్ ఏ రేంజ్‌లో ఉందో ఇట్టే అర్థం చేసుకోవచ్చు. అతడి వీడియో ప్రస్తుతం నెట్టింట వైరల్‌గా మారింది.
ఇవీ చదవండి: కాఫీ తాగుతుండగా మహిళపై పడ్డ ఉల్క..! ఆ తరువాత..
ఇంతకీ జరిగిందేంటంటే..ఓ పోలీసు దొంగను పట్టుకుని బైక్ ఎలా చేస్తావో చెప్పమని ప్రశ్నించాడు. లాక్ వేసి ఉన్న బుల్లెట్ లాంటి బండినొకదాని వద్దకు అతడిని తీసుకెళ్లాడు. అంతే..మనోడు భయంభయంగానే తన విశ్వరూపం బయటపెట్టేశాడు. మొదట సెంటర్ స్టాండ్ వేసి ఉన్న ఆ బండి ఎక్కి రెండు కాళ్లతో హ్యాండిల్ను నొక్కి పెట్టాడు. ఆ తరువాత హ్యాండిల్ను కాళ్లతో తిప్పగానే ఒక్కసారిగా లాక్ కాస్తా క్షణాల్లో ఊడిపోయింది. దీంతో, అక్కడున్న వారంతా ఒక్కసారిగా షాకైపోయారు(Thief opens lock without key).
ఈ రైతు చేసిన పొరపాటును మీరెవ్వరూ చేయకండి.. సోషల్ మీడియాలో ప్రభుత్వ ఉన్నతాధికారి విజ్ఞప్తి..
ఆ తరువాత బండి ఎలా స్టార్ట్ చేస్తావో చెప్పమంటూ పోలీసు దొంగను మరోసారి గద్దించాడు. దీంతో, మనోడు హ్యాండిల్ పక్కను ఉన్న వైర్లను బయటకు లాగి తెంపాడు. ఆ తరువాత వాటిపై ఉన్న ఇన్సూలేషన్‌ తీసి మరో విధంగా వైర్లను కలిపాడు. అనంతరం, సెల్ఫ్ స్టార్ట్‌ను ఒత్తగానే బైక్ పెద్ద శబ్దం చేస్తూ స్టారైపోయింది(starts locked bike engine). కనీసం స్క్రూ డ్రైవర్ కూడా లేకుండా అతడు లాక్ వేసి ఉన్న బండి స్టార్ట్ చేసిన విధానం జనాలు నివ్వెరపోయేలా చేస్తోంది(Viral Video).
నెట్టింట్లో ప్రస్తుతం విపరీతంగా వైరల్ అవుతున్న ఈ వీడియో నెటిజ్ల కంటికి కునుకు దూరం చేసింది. ఇలాంటోడు మా బైక్‌ను టార్గెట్ చేస్తే అయిపోయినట్టే అనుకుంటూ కామెంట్స్ చేస్తున్నారు. మరికొందరు మాత్రం దొంగ టాలెంట్‌కు ఫిదా అయిపోయారు. ఇతడు నిజంగా సూపర్.. దారి తప్పి దొంగ అయ్యాడు కానీ లైఫ్‌లో ఎంతో ఎత్తుకు ఎదిగే వారంటూ విచారం, ప్రశంస కలగలిసిన కామెంట్స్ గుప్పిస్తున్నారు. నెట్టింట వైరల్‌గా మారిన ఈ వీడియోను మీరూ చూడండి మరి!
Updated Date - 2023-07-17T15:34:45+05:30 IST