Viral: ఇదేం చేపరా బాబూ.. ఎంచక్కా నీళ్లల్లో నడిచేస్తోంది? వైరల్ వీడియో!
ABN, First Publish Date - 2023-11-04T21:37:30+05:30
సముద్రంలో నడుస్తున్న చేప వీడియో ప్రస్తుతం నెట్టింట్లో వైరల్‌గా మారింది.
ఇంటర్నెట్ డెస్క్: సముద్ర గర్భంలో ఎలాంటి రహస్యాలు దాగున్నాయనేది శాస్త్రవేత్తలకే పూర్తిగా తెలీదు. సముద్రంలో కిలోమీటర్ల లోతున గాఢ అంధకారంలో మనుషులు కలలో కూడా ఊహించలేని భయానక రూపాల్లో జీవులు సంచరిస్తుంటాయి. అలాంటి ఓ చేప వీడియో ప్రస్తుతం నెట్టింట్లో వైరల్‌గా మారింది. అమెరికాలోని ష్మిడ్ ఓషియన్ ఇన్‌స్టిట్యూట్ దీన్ని నెట్టింట పంచుకుంది. వీడియోలోని చేప ఆకారాన్ని చూసి నెటిజన్లను భయపడుతున్నారు. అంతేకాదు, సాధారణ చేపలకు భిన్నంగా ఇది సముద్రం అడుగుభాగంలో నడుస్తున్న వైనం(Walk on sea floor) జనాలు ఆశ్చర్యపోయేలా చేస్తోంది.
S.Somanath: ఇస్రో చైర్మన్ ఎస్.సోమనాథ్ కీలక వ్యాఖ్యలు..తాను ఎవర్నీ టార్గెట్ చేయలేదని స్పష్టీకరణ
వీడియోలోని చేపలను మాంక్ ఫిష్(Monkfish) అంటారని శాస్త్రవేత్తలు చెబుతున్నారు. సముద్రం అడుగున సంచరించే ఈ జీవాల ఆకారం భిన్నంగా ఉంటుంది. నేలపై పరుచుకున్నట్టు ఉండే ఈ చేపల నోరు చాలా పెద్దది. కదలకుండా నటిస్తూ ఒక్కసారి దాడి చేసి ఇతర చేపలను చంపి ఆహారంగా స్వీకరిస్తాయి. సాధారణ చేపలు నీటిలో ఈదితే ఇది నీటి అడుగుభాగంలో నడవగలవు కూడా. వాటి మొప్పల సాయంతో ఒక్కో అడుగూ ముందుకేస్తున్నట్టు ఇవి కదులుతాయి.
Hacking: మీ స్మార్ట్ ఫోన్ హ్యాకైందని డౌటా? ఇలా చేస్తే కేవలం 30 సెకెన్లలోనే..
పెద్ద నోటితో, ఒంటిపై తెల్లని ముళ్లలాంటి ఆకారాలతో ఈ చేప కదులుతూ ఉంటే చూసేవారెవరికైనా ఒళ్లు జలదరించాల్సిందే. అందుకే ఈ వీడియో ప్రస్తుతం నెట్టింట వైరల్‌గా(Viral Video) మారింది. ఇంతటి భయానకమైన చేపను తామెప్పుడూ చూడలేదంటూ జనాలు ఆశ్చర్యపోతున్నారు. మరి ఈ వింత చేపను మీరూ ఓమారు చూసేయండి.
Viral: ఈ సింహానికి ఏమైంది? నడిరోడ్డు మీద ఊహించని విధంగా.. వీడియో చూసి షాకైపోతున్న జనాలు!
Updated Date - 2023-11-04T22:04:31+05:30 IST