Cockpit View: ఇందుకే పైలట్ అవ్వాలనేది.. ఇలాంటి అదృష్టం మరెవ్వరికీ దక్కదు!
ABN, Publish Date - Dec 28 , 2023 | 08:40 PM
గాల్లో ఎగురుతున్న విమానం కాక్‌పిట్‌లో కూర్చుని తొంగి చూస్తే కనిపించే దృశ్యాల తాలూకు వీడియో ప్రస్తుతం నెట్టింట వైరల్‌గా మారింది.
ఇంటర్నెట్ డెస్క్: విమానాన్ని చూస్తేనే ఎంతో ఎగ్జైటింగ్‌గా ఉంటుంది. మరి విమానాన్ని నడిపే పైలట్లకు ఈ వృత్తి ఎంత ఉత్సాహాన్ని ఇస్తోందో మాటల్లో చెప్పలేం. వినీలాకాశాంలో పైలట్‌లా విహరించడం ఓ గొప్ప అనుభూతి. ముఖ్యంగా టేకాఫ్, లాండింగ్ అప్పుడు కనిపించే దృశ్యాలు చూసేందుకు రెండు కళ్లూ చాలావు. ఇక రాత్రిళ్లు నగరాల్లో విద్యుత్ కాంతుల వెలుగులను కాక్‌పిట్‌లోంచి చూస్తే మరింత అద్భుతంగా ఉంటుంది. ఒకప్పుడు పైలట్లకే పరిమితమైన ఈ దృశ్యాలు సోషల్ మీడియా స్మార్ట్ ఫోన్ల పుణ్యమా అని సామాన్యుల కంట కూడా పడుతున్నాయి. తాజాగా అలాంటి వీడియో ఒకటి నెట్టింట వైరల్‌గా (Viral Video) మారింది.
Viral: రిస్క్ అని తెలిసీ ఆనంద్ మహీంద్రాను పబ్లిక్‌గా రూ. లక్ష అప్పు అడిగాడు.. ఆ తరువాత..
ఇస్లాంబుల్ ఎయిర్‌పోర్టులో ల్యాండింగ్ సమయంలో కాక్‌పిట్‌లోంచి బయటకు చూస్తే కనిపించే దృశ్యాల (Pilots cockpit view) వీడియోను బెడ్రెటిన్ సాగ్డిక్ అనే పైలట్ నెట్టింట షేర్ చేశారు. సుమారు 16 సంవత్సరాల పాటు ఎయిర్ ట్రాఫిక్ కంట్రోల్‌లో పనిచేశాక బెడ్రెటిన్ పైలట్ అయ్యారు. వీడియోలో కనిపించిన దాని ప్రకారం, విమానం తొలుత మెల్లగా మబ్బుల్లోంచి కిందకు దిగింది. క్రమంగా మరింత కిందకు దిగుతూ ఎయిర్‌పోర్టు వైపు మళ్లింది. అలా కిందకొచ్చే కొద్దీ విద్యుత్ కాంతుల్లో మెరిసిపోతున్న ఇస్తాంబుల్ నగరం మరింత స్పష్టంగా అద్భుతంగా కనిపించింది. తొలుత సన్నని కాంతిరేఖలా ఉన్న రన్‌వే క్రమక్రమంగా మరింత స్పష్టంగా కనిపిస్తూ ఆశ్చర్యపరిచింది. చివరకు విమానం సేఫ్‌గా ల్యాండైంది. రాత్రి పూట జరిగిన ఈ ల్యాండింగ్ చూసేవారెవరినైనా అచ్చెరవువొందేలా చేస్తుంది.
Shocking: చెవిలో ఒకటే నొప్పి.. డౌటొచ్చిన మహిళ కెమెరా డివైజ్‌ పెట్టి చూసుకుంటే.. దారుణం..
నెట్టింట ప్రస్తుతం విపరీతంగా వైరల్ అవుతున్న ఈ వీడియో జనాలను ఆశ్చర్యపోయేలా చేస్తోంది. పైలట్ జాబ్ దక్కడమంటే నిజంగా అదృష్టమే అంటూ పలువరు వీడియో పై కామెంట్ చేశారు. పైలట్ ఉద్యోగాల క్రేజ్ ఎప్పటికీ తగ్గదని మరికొందరు అభిప్రాయపడ్డారు. భవిష్యత్తులో ఎగిరే కార్లు వస్తే చెప్పలేం కానీ ప్రస్తుతానికి పైలట్‌లే టాప్ అని ఇంకొందరు కామెంట్ చేశారు. దీంతో, ఈ వీడియో ప్రస్తుతం వైరల్‌గా మారింది.
Viral: ఇలాంటోళ్లను ఏమనాలి! రైల్లో అందరూ చూస్తున్నారన్న సోయ కూడా లేకుండా ఏంచేశాడో మీరే చూడండి!
Extra Income: సైడ్ సంపాదన కావాలా? కొత్త సంవత్సరంలో ఇలా చేయండి..!
Updated Date - Dec 28 , 2023 | 08:48 PM
