Viral Video: అమ్మ బాబోయ్.. ఇదేం అద్భుతం.. కింద పడి ఉన్న ఈ ఆకును కర్రపుల్లతో కదపగానే.. షాకింగ్ సీన్..!
ABN, First Publish Date - 2023-11-10T13:50:41+05:30
కొన్ని సార్లు మన కళ్లు మనల్నే మోసం చేస్తాయి అంటుంటారు. బహుశా అది ఇదేనేమో..
"కొన్ని సార్లు మన కళ్లు మనల్నే మోసం చేస్తాయి". ఈ మాటలు చాలా తరచుగా వింటూనే ఉంటాం. కానీ నేరుగా పరిశీలిస్తే తప్ప చాలామందికి వాస్తవం అర్థం కాదు. ఇక వింతలకు నెలవైన ప్రకృతి ఎప్పుడూ ఆసక్తిగానే ఉంటుంది. చెట్టు, పుట్ట, జీవరాశులు, జలచరాలు అన్నీ మిస్టరీగానే ఉంటాయి. ఇది కూడా అలాంటిదే.. చెట్టు మీద నుండి రాలిపడిన ఓ ఆకును కర్రపుల్లతో కదపగానే ఎవరూ ఊహించని సంఘటన చోటు చేసుకుంది. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఈ వీడియో చూసిన నెటిజన్లు కూడా షాకవుతున్నారు. దీనికి సంబంధించి పూర్తీ వివరాల్లోకి వెళితే..
ప్రకృతిలో(NATURE) చాలా వింతలున్నాయి. వాటిని కళ్లారా చూసినప్పుడు చెప్పలేనంత ఆశ్ఛర్యం వేస్తుంది. తాము చూస్తున్నది నిజమా కాదా అనే సందేహం కూడా వస్తుంది. వీడియోలో చెట్టు నుండి రాలిపడిన పచ్చని ఆకు(Green leaf) కనిపిస్తుంది. ఓ వ్యక్తి కర్రపుల్ల తీసుకుని ఆ ఆకును కదిపితే మొదట అది ఆకులాగే కదిపినట్టు కదులుతూ నిశ్చలంగా ఉంటుంది. కానీ ఆ తరువాత కర్రపుల్లతో ఆ ఆకును తిప్పివేయగానే ఆకుకు చలనం వస్తుంది. ఆకు దానికదే కదులుతుంది. చూస్తుండగానే ఆ ఆకు నుండి కాళ్ళు విచ్చుకుంటాయి. ఆ పురుగు చకచకా అక్కడి నుండి ముందుకు వెళ్లిపోతుంది. అప్పటికి కానీ అది అచ్చం ఆకును పోలిన పురుగు(worm look like green leaf) అని అర్థం కాదు. ఆ పురుగు వెల్లికిలా పడటంతో ముందుకు కదలలేక అలాగే నిశ్చలంగా ఉండిపోయినట్టు అర్థం అవుతుంది.
ఇది కూడా చదవండి: Boiled Eggs: చాలా మందికి తెలియని నిజాలివీ.. ఉడికించిన కోడిగుడ్డును తినడం వల్ల..!
ఈ వీడియోను HOW_THINGS_WORK అనే ట్విట్టర్ ఎక్స్(Twitter X) అకౌంట్ నుండి షేర్ చేశారు. 'ప్రకృతి చాలా విచిత్రమైనది' అనే క్యాప్షన్ ను దీనికి జత చేశారు. ఈ వీడియో చూసిన నెటిజన్లు షాకవుతున్నారు. 'పురుగు అచ్చం ఆకు లాగే ఉండంటం, వాహ్ ప్రకృతి ఎంత అధ్బుతమైనది' అని ఒకరు కామెంట్ చేశారు. 'ఆ ఆకు కాస్తా పురుగు అని నేను ఇప్పటికీ నమ్మలేకపోతున్నాను' అని మరొకరు అన్నారు. 'మనిషి ఎన్ని అద్బుతాలు సృష్టించినా ప్రకృతిని బీట్ చేయలేడు' అని ఇంకొకరు అన్నారు.
ఇది కూడా చదవండి: Viral Video: సముద్రం అడుగున షాకింగ్ మిస్టరీ.. ఇది పక్షినా..? చేపనా..? గాల్లో చక్కర్లు కొట్టినట్టు నీళ్లల్లో ఎలా ఎగురుతోందో చూస్తే..!
Updated Date - 2023-11-10T13:52:03+05:30 IST