Viral Video: మొసలి భయపడుతోంది కదా అని రెచ్చిపోయాడు.. మరుక్షణంలోనే దిమ్మతిరిగే షాకిచ్చింది..!
ABN, First Publish Date - 2023-11-24T13:35:08+05:30
మొసలి దగ్గరకు వెళ్లి చెయ్యి పైకెత్తి కొడుతున్నట్టు నటిస్తూ చిన్న పిల్లలను భయపెట్టినట్టు మొసలిని భయపెట్టాడు. కానీ ఆ తరువాత జరిగిందిదీ..
ప్రమాదాలతో చెలగాటం ఆడటం చాలామందికి సరదా. కానీ ఆ సరదా మాటున కోలుకోలేని దెబ్బ తింటుంటారు. ఓ కుర్రాడికి రహదారిమీద మొసలి కనిపించింది. అతను దాన్ని కంట్రోల్ లో పెట్టి వైరల్ కావాలని అనుకున్నాడు. అనుకున్నట్టే మొసలి దగ్గరకు వెళ్లి చెయ్యి పైకెత్తి కొడుతున్నట్టు నటిస్తూ చిన్న పిల్లలను భయపెట్టినట్టు మొసలిని భయపెట్టసాగాడు. ఆ మొసలికూడా వెనక్కు జరుగుతూ భయపడసాగింది. అయితే అంతలోనే షాకింగ్ ఘటన చోటు చేసుకుంది. ఈ సంఘటనకు సంబంధించి వీడియో ఇప్పుడు సోషల్ మీడియాలో వైరల్ అవుతోంది. దీని గురించి పూర్తీ వివరాల్లోకి వెళితే..
సోషల్ మీడియాలో వైరల్ కావడం కొందరికి పిచ్చి. అందుకోసం ఏమైనా చేస్తారు. కొందరు క్రూర మృగాలతో, విష సర్పాలతో చెలగాటం ఆడతారు. వీటిలో ధైర్యం చాటుకునేవారు కొందరైతే విఫలమై ప్రమాదాల బారిన పడేవారు కొందరు. వీడియోలో ఓ కుర్రాడు రహదారి మీద వెళ్తోంటే ఒక మొసలి(Crocodile) కనిపిస్తుంది. దాన్ని కంట్రోల్ చేసి సాహసవంతుడిగా చెలామణి కావాలని అతను అనుకుంటాడు. దాంతో మొసలిని చంపేసేంత కోపాన్ని ముఖంలో ప్రదర్శిస్తూ దానికి దగ్గరగా వెళతాడు. తన చెయ్యి పైకెత్తి దాన్ని కొడతానని బెదిరిస్తాడు. అతని ప్రవర్తన చూసిన మొసలి మొదట భయపడుతుంది. అది భయంతో రెండడుగులు వెనక్కు వేస్తుంది. దీంతో అది భయపడిందని ఆ కుర్రాడు అనుకుంటాడు. కానీ ఆ మొసలి రెండడుగులు వెనక్కు వేసింది కాస్తా ఒక్కసారిగా అతనిమీద దాడి చేస్తుంది. అతని కాలును తన దవడల మధ్య గట్టిగా పట్టుకుంటుంది. దాన్నుండి విడిపించుకోవడానికి అతను గిలగిలా కొట్టుకుంటుండగా వీడియో ముగిస్తుంది.
ఇది కూడా చదవండి: రూ.1.50 లక్షల ఖరీదు లోపు.. టాప్ 10 బైకుల లిస్ట్ ఇదే..!
ఈ వీడియోను Momentos Virales అనే ట్విట్టర్ ఎక్స్(Twitter X) అకౌంట్ నుండి షేర్ చేశారు. ఈ వీడియో సోషల్ మీడియాలో తెగ వైరల్ అవుతోంది. 'దారినపోతున్న మొసలిని రెచ్చగొట్టి మరీ ప్రమాదంలోకి జారుకున్నాడు' అంటూ నెటిజన్లు కామెంట్ చేస్తున్నారు. 'మనిషి అన్నింటి మీద తన ఆధిపత్యం చూపించాలని ఆరాటపడతాడు ఎందుకో' అని ఒకరు కామెంట్ చేశారు. 'దారిన పోతున్న మొసలిని రెచ్చగొట్టడం ఎందుకు మళ్లీ ప్రమాదానికి లోనవ్వడం ఎందుకు?' అని మరొకరు కామెంట్ చేశారు. 'ఆ మొసలి అతన్ని వదిలిందా లేదా? ఆ తరువాత ఏం జరిగింది?' అని ఇంకొకరు ఆ కుర్రాడి గురించి ఆందోళన వ్యక్తం చేశారు.
ఇది కూడా చదవండి: Restaurant: విదేశీ కస్టమర్లకు ఓ రెస్టారెంట్ వింత వార్నింగ్ కండీషన్.. ఫుడ్ టేస్ట్ చూసిన తర్వాత ఇలా చేస్తే..!
Updated Date - 2023-11-24T13:35:09+05:30 IST