Viral Video: రోడ్డు పక్కన ఓ బురదగుంట వద్ద కూర్చుని ఈ యువకుడు ఏం చేస్తున్నాడో చూస్తే గుండె తరుక్కుపోవడం ఖాయం..!
ABN, First Publish Date - 2023-04-26T13:34:45+05:30
ఈ ప్రపంచంలో ఎంతో మంది సరైన ఆహారం లేక ఆకలితో అలమటిస్తున్నారు. మన చుట్టూనే ఎంతో మంది ఆకలితో బాధపడుతుంటారు. అయినా చాలా మంది మిగిలిపోయిన ఆహారాన్ని వృథాగా పారేస్తుంటారు.
ఈ ప్రపంచంలో ఎంతో మంది సరైన ఆహారం (Food) లేక ఆకలితో అలమటిస్తున్నారు. మన చుట్టూనే ఎంతో మంది ఆకలితో బాధపడుతుంటారు. అయినా చాలా మంది మిగిలిపోయిన ఆహారాన్ని వృథాగా పారేస్తుంటారు. తాజాగా వైరల్ అవుతున్న ఓ వీడియో ఆకలి కేకల గురించి కళ్లకు కట్టేలా చూపించింది. నిజానికి అది ఫేక్ వీడియోనే అయి ఉండవచ్చు, సోషల్ మీడియాలో వ్యూస్ కోసమే ప్రత్యేకంగా రూపొందించి ఉండవచ్చు. కానీ, అది చెప్పే విషయం మాత్రం నిజమే.
వైరల్ అవుతున్న ఆ వీడియోలో ఒక వ్యక్తి రోడ్డు పక్కన ఉన్న ఓ బురద గుంట దగ్గర కూర్చుని బ్రెడ్ తింటున్నాడు. ఆ రొట్టెలు కాస్త గట్టిగా ఉండడంతో వాటిని ఆ మురికి కాలవ నీటిలో ముంచుకుని తింటున్నాడు (Man is eating bread after dipping it in dirty water.). ఈ వీడియో చూసి చాలా మంది షాకవుతున్నారు. ఆ వీడియోలో కనిపిస్తున్న కుర్రాడు ఆఫ్రికా దేశాలకు చెందిన వ్యక్తిలా కనిపిస్తున్నాడు. నిజానికి ప్రస్తుతం చాలా ఆఫ్రికా దేశాలు పేదరికంలో (Poverty) మగ్గుతున్నాయి. సరిపడా తిండి కూడా లేక చాలా మంది ఆఫ్రికన్లు కష్టాలు పడుతున్నారు.
Snake vs Dogs: షాకింగ్ వీడియో.. బాబును కాపాడేందుకు పాముతో కుక్కల పోరాటం.. ప్రాణాలకు తెగించి మరీ..!
ఆ వీడియో సోషల్ మీడియాలో బాగా వైరల్‌గా మారింది. దాదాపు 1.50 లక్షల మంది ఆ వీడియోను వీక్షించారు. ఆ వీడియోపై కామెంట్లు చేస్తున్నారు. ``ఈ వీడియో చూసి చాలా బాధపడ్డాను``, ``ఇది నిజమా? ఇలాంటి మనుషులు ఉంటారా? ``, ``వీడియో ఫేక్ కావొచ్చు. కానీ, చాలా దేశాలు ఆకలితో బాధపడుతున్నాయి`` అంటూ కొందరు కామెంట్లు చేశారు.
Updated Date - 2023-04-26T13:34:45+05:30 IST