Viral: నెమలితో పెట్టుకుంటే ఇంతే.. అది తనను చూడట్లేదు కదా అని ఈ యువతి చేసిన పని ఎంటో తెలిస్తే..
ABN, First Publish Date - 2023-07-16T17:35:57+05:30
నెమలి గుడ్లు దొంగిలించేందుకు ట్రై చేసిన యువతికి ఊహించని షాక్ తగిలింది. పక్కనే ఉన్న మగ నెమలి ఆమెపై దాడి చేయడంతో యువతికి దిమ్మతిరిగినంత పనైంది. ఇందుకు సంబంధించిన వీడియో ప్రస్తుతం నెట్టింట వైరల్‌గా మారింది.
ఇంటర్నెట్ డెస్క్: తినడానికి మనకు కోడి గుడ్లు ఎప్పుడూ అందుబాటులో ఉంటాయి. కానీ నాలుక రోజుకో కొత్త రుచి కోరుతుంటుంది. అది కోరింది కదా అని మనం ముందూ వెనుకా ఆలోచించకుండా రంగంలోకి దిగితే ఇదిగో.. ఈ యువతికి పట్టిన గతే పడుతుంది. ఇందుకు సంబంధించిన వీడియో ప్రస్తుతం నెట్టింట వైరల్‌గా(Viral Video) మారింది.
ఇవీ చదవండి: లక్ అంటే ఇదీ..విమానం కిటికీలోంచి చూస్తే కనిపించిన చంద్రయాన్-3.. ప్రయాణికులకు గూస్‌బంప్స్!
ఈ రైతు చేసిన పొరపాటును మీరెవ్వరూ చేయకండి.. సోషల్ మీడియాలో ప్రభుత్వ ఉన్నతాధికారి విజ్ఞప్తి..
వీడియోలో కనిపించిన దాని ప్రకారం, అడవిలో ఓ చిన్న గుట్టపై ఓ నెమలి గుడ్లు పెట్టింది. వాటిని పొదిగే పనిలో అది బిజీగా ఉంది. ఈలోపు ఆ గుడ్లు ఓ యువతి కంట పడ్డాయి. అంతే, ముందూ వెనుకా ఆలోచించకుండా ఆమె వాటిని ఎత్తుకెళ్లేందుకు నిర్ణయించింది(Woman tries to steal peacocks eggs). నెమలి పక్కనే కొన్ని గుడ్లు ఉండటం చూసిన ఆమె బుర్రకు ఓ జబర్‌దస్త్ ఐడియా తట్టింది. నెమలి వెనక నుంచి వచ్చి వాటిని సైలెంట్‌గా ఎత్తుకెళ్లిపోతే ఏ ఇబ్బందీ ఉండదని భావించింది.
ఇవీ చదవండి: ఇది మామూలు కోడి కాదు! పదుల సంఖ్యలో మొసళ్లు ఒక్కసారిగా ఎటాక్ చేస్తే..
కానీ, ఆ పక్కనే మగ నెమలి కాపలా ఉన్న విషయం ఆమె గమనించలేదు. దీంతో, తన ప్లాన్ అద్భుతంగా వర్కౌట్ అవుతుందని భావించిన ఆమె నెమలి వెనుక నుంచి నక్కి నక్కి వెళుతుండగా మగ నెమలి ఒక్కసారిగా ఆ యువతిపై దాడి చేసింది(Father peacock attacks woman). ఇలా జరుగుతుందని ఊహించని ఆమె గుట్టపై నుంచి డొల్లుకుంటూ కింద పడిపోయింది. ఇదంతా చూసిన నెటిజన్లు కడుపుబ్బా నవ్వుకుంటున్నారు. యువతికి తగిన శాస్తే జరిగిందని కామెంట్స్ పెడుతున్నారు. మనిషి ప్రకృతిని ఎప్పుడూ నాశనం చేద్దామని చూస్తుంటాడని, అందుకే ఇలాంటి గుణపాఠాలు ఎదురవుతాయని అని మరికొందరు వ్యాఖ్యానించారు.
Updated Date - 2023-07-16T18:20:38+05:30 IST